ވެލާނާ އިންޓަނޭޝަނަލް އެއާޕޯޓު (ވީއައިއޭ)ގައި އަލިފާނުގެ ހާދިސާއެއް ހިނގައިފިއެވެ.
މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނީ އަލިފާނުގެ ހާދިސާ ހިނގާފައިވަނީ ވީއައިއޭގެ ތެޔޮ ރައްކާކުރާ ސަރަހައްދުގައި މިއަދު 6:15 ހާއިރު ކަމަށެވެ.
އަލިފާން ރޯވިތާ ކުޑަ އިރުކޮޅެއްގެ ތެރޭގައި އެއާޕޯޓްގެ ފަޔަ ޓީމުން އަލިފާން ނިއްވާލި ކަމަށް އެމްއޭސީއެލް އިން ވަނީ ބުނެފައެވެ.
އެހާދިސާގައި ކުންފުނީގެ މުވައްޒަފަކަށް އަނިޔާވެފައިވާ ކަމަށް އެކުންފުނިން ވަނީ ބުނެފައެވެ.
އެމްއޭސީއެލް އިން ބުނީ މި ހާދިސާ ހިނގި ގޮތުގެ އިންޓާނަލް އިންވެސްޓިގޭޝަނެއް މިހާރު ފަށާފައިވާ ކަމަށެވެ.
