މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ އެކްޓިން މެނޭޖިން ޑިރެކްޓާ މޫސާ ސޯލިހް ރިޓަޔާ ކުރައްވައިފިއެވެ.
39 އަހަރަށް ވުރެ ގިނަ ދުވަހު އެމްއޭސީއެލްގައި މަސައްކަތް ކުރެއްވުމަށްފަހު މޫސާ ސޯލިހު ރިޓަޔާ ކުރައްވާފައިވަނީ މިއަދު ކަމަށް އެކުންފުނީގެ މުވައްޒިފުންނަށް ފޮނުވާފައިިވާ ސާކިއުލާއެއްގައި ބުނެފައިވެއެވެ.
މޫސާ ސޯލިހު އެމްއޭސީއެލް ހިންގުމާ ހަވާލުވެވަޑައިގަތީ އެކުންފުނީގެ މެނޭޖިން ޑިރެކްޓަރުގެ މަގާމުން އާދިލް މޫސާ އިސްތިއުފާދެއްވުމާ ގުޅިގެންނެވެ. އޭނާ އަކީ އެމްއޭސީއެލްގެ ޑެޕިއުޓީ ޗީފް އިންފޮމޭޝަން އޮފިސަރު ވެސް މެއެވެ.
މިދިޔަ މަހުގެ 28 ވަނަ ދުވަހު އެމްއޭސީއެލްގެ ޗީފް އެގްޒެކެޓިވް އޮފިސަރު އަދި މެނޭޖިން ޑިރެކްޓަރު ކަމަށް އިނގިރޭސިވިލާތުގެ ބޭފުޅެއްކަމަށްވާ ގޯޑަން އެންޑްރޫ ސްޓީވާޓް ވަނީ ހަމަޖައްސާފައެވެ.
