ކޮވިޑް-19 އާ ގުޅިގެން 24 ގަޑިއިރަށް މާލެ ލޮކްޑައުން ކުރުމުން ރައްޔިތުންނަށް ލަސްކުރުމެއް ނެތި މައުލޫމާތު ހިއްސާކުރުމަށް ގޮވާލައިފިއެވެ.
ޕްރޮގްރެސިވް ކޮންގްރެސް ކޯލިޝަނުން ބުނީ، ރާއްޖޭގައި ޕޮޒިޓިވްވެފައިވާ ފަރާތަކާއި ކޮންޓެކްޓެއް ނެތި މިއަދު މާލެއިން ކޮވިޑް-19 އަށް ޕޮޒިޓިވްވުމާ ގުޅިގެން ކޮމިއުނިޓީ ސްޕްރެޑަކަށް ހިނގައިދާނެކަމަށް 24 ގަޑިއިރަށް މާލެ ލޮކްޑައުންކޮށްފައިވާ އިރު ރައްޔިތުންނަށް ބޭނުންވާ މައުލޫމާތު ލަސްކުރުމެއް ނެތި ވަގުތުން ވަގުތަށް ހާމަކުރަމުން ގެންދިއުމަކީ ވެސް މުހިއްމު ކަމެއް ކަމުގައި ފާހަގަކުރާ ކަމަށެވެ. އަދި މި ހާލަތުގައި ސަރުކާރުގެ ކަމާބެހޭ ފަރާތްތަކުން ރައްޔިތުންގެ ސަލާމަތާއި ރައްކާތެރިކަމަށް އަޅަމުންދާ ފިޔަވަޅުތަކުގައިވެސް މާލޭގައި ދިރިއުޅޭ ރައްޔިތުންނަށް ލުއި ފަސޭހަ ގޮތް ތަކެއް އިހްތިޔާރުކުރުމަށް އެ ކޯލިޝަނުން ވަނީ ގޮވާލާފައެވެ.
ހަމައެއާއެކު އެ ކޯލިޝަނުން ވަނީ މިހާރު ރާއްޖޭގައި ކޮވިޑް-19އާ ގުޅިގެން އެޗްޕީއޭއާއި ކަމާ ގުޅޭ ފަރާތްތަކުން ދެމުންދާ ސިއްހީ އިރުޝާދުތަކަށް، ރައްޔިތުން ކިޔަމަންތެރިކަމާއި ކެތްތެރިކަމާއެކު ތަބާވުމަށް އިލްތިމާސްކޮށްފައެވެ. އަދި މިހާލަތުން އަރައިގަތުމަށް އެންމެ އިސްކަމެއް ދޭންޖެހޭނީ އެކުވެރިކަމާއި އެއްބައިވަންތަކަން ކަމަށް އެ ކޯލިޝަނުން ފާހަގަކުރަމުން ބުނީ، ސަރުކާރުން މި ކާރިސާއާ ގުޅިގެން އަޅާ ފިޔަވަޅުތަކުގައި އެ ކޯލިޝަނުން އެއްބާރުލުން ދޭނެ ކަމަށެވެ.
ކ. ކާށިދޫ ވެސް މޮނިޓަރިންގް ހާލަތުގައި އޮތުމާއެކު އަތޮޅުތެރޭގައި އަޅަމުންދާ ފިޔަވަޅުތަކާ މެދުވެސް ރައްޔިތުންގެ މެދުގައި ހާސްކަމާއި ކަންބޮޑުވުން އިތުރުވެގެން ނުދާނެ ފަދަ ގޮތަކަށް ކަންކަން އިންތިޒާމްކުރުމަމކީ މުހިއްމު ކަމެއްގެ ގޮތުގައި އެ ކޯލިޝަނުން ފާހަގަކުރެއެެވެ. އަދި މި ހާލަތުގައި ދައުލަތަށް ލިބިފައިވާ ހުރިހާ ވަސީލަތްތައް ފުރިހަމަ ގޮތުގައި ބޭނުންކުރުމަށާއި އެއްވެސް ތަފާތު ކުރުމެއް ނެތި އެންމެހާ ރައްޔިތުންނަށް ހިދުމަތް ދިނުމަށް ވެސް އެ ކޯލިޝަނުން ބުނެއެވެ.
މީގެ އިތުރުން މި ކާރިސާއާ ގުޅިގެން އެންމެ އިސްސަފުގައި މަސައްކަތް ކުރާ ފަރާތްތަށް ކުރަމުންދާ ބުރަ މަސައްކަތުގެ އަގުވަޒަން ކުރުމަށާއި އެ ފަރާތްތަކުގެ ސަލާމަތަށް ހާއްސަ ސަމާލުކަމެއް ދިނުމަށް ވެސް އެ ކޯލިޝަނުން ވަނީ ގޮވާލާފައެވެ.
ފުރަތަމަ ތެދު މައުލޫމާތު ހިއްސާ ކުރަންޖެހޭނީ ސަރުކާރުން..... މާލޭގައި ރަށަށް ނުދެވި ތިބި މީހުންނަށް ރަށަށް ދެވޭނެ އިންތިޒާމެއް ހަމަޖައްސާ... ގައުމުގެ ބޮޑެތި މަގާމުތަކުގަ ތިބޭ މީހުން އަމިއްލަ ފައިދާ އާއި އަމިއްލަ ގާތްތިމާގެ މީހުން ޓެސްޓް ކޮށް ޓެސްޓް ކުރަން ގެންގުޅޭ ކިޓްތައް ހުސްކޮށްފި، އިތުރަށް ބަލި ޖެހިދާނެތީ އެ މީހުން ސަލާމަތް ކުރަން މިހާރު ދޮގު ހަދައިގެން ހަބަރުތައް އެ ފަތުރަނީ. ކުރިންވެސް ސަރުކާރުގެ ބޮޑުން ބޭނުން ބަޔަކު ރާއްޖެއިން ބޭރުން ގެނެސް ވަގުތުން ގެއަށް ފޮނުވައިގެން ޕާޓީ ބޭއްވީ، މިހާރު މި ފެންނަނީ އެ ޕާޓީގެ ތެރެއިން މާލެތެރެއަށް ފަތުރައިގެން އުޅޭ ކަންތައް. އާންމުންގެ އެތައް ބަޔަކު މި ޖެހެނީ އެހެން ބަޔެއްގެ އިހްމާލުން ހިގައިގެން އުޅޭ ކަމަކަށް ފަރުދީ ޒިންމާއޭ ކިޔައިގެން އެ މީހަކު ހުރި ތަނެއްގައި އާއިލާ މީހުންނާ ދުރުގަ ހުންނަން..... މި ކަހަލަ ސަރުކާރެއް ބޭނުމެއް ނޫން........!!!!
އެޗްޕީގެ ޒިންމާ އެންމެ ފުރިހަމަ ގޮތުގައި ނުނެގުނު ކަން މިއަދު ހާމަވީ، މަބްރޫކުމެން ވެސް މީޑިއާ އަށް އަރާ މޮޅުވާހަކަ ދެއްކުުން ނޫން ކަމެއްނެތް ފުރަތަމަވެސް ގެސްޓްން ފުނުވާލި ހިސާބުން، މިކަން އޮތީ ސްޓެބުލް ވެފައި، ފަހުން ރާއްޖޭގެ ބޭރުގެ ތިބި ފަރާތްތަށް ގެންނަން ހަދައިގެން މިކަން އަތަށް ގޮވީ