ގިނަ ބަޔަކު ޕޮޒިޓިވް ވެއްޖެ ނަމަ ހޯމް އައިސޮލޭޝަނަށް ދާން ޖެހިދާނެ ކަމަށް ހެލްތް މިނިސްޓަރު އަބްދުﷲ އަމީން ވިދާޅުވެއްޖެއެވެ.
ކޮވިޑް-19އާ ގުޅިގެން އާންމުންނަށް މައުލޫމާތު ދިނުމަށް ދަރުބާރުގޭގައި މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ހެލްތް މިނިސްޓާ އަމީން ވިދާޅުވީ މި ބަލީގައި ވަކި ބަޔަކަށް ރިސްކް ތަފާތު ނުވާ ކަމަށާއި އަމަލު ކުރެވެމުން މިހާތަނަށް ގޮސްފައި ވަނީ ސިއްހީ މާހިރުންގެ ލަފަޔާ އެކު ކަމަށެޗެ.
އަދި ގިނަ އަދަދެއްގެ މީހުންނަށް މި ބަލި ޖެހިއްޖެ ހާލަތެއްގައި ކަންތަށް ކުރާނެ ގޮތް ވަނީ ކަނޑައެޅިފައި ކަމަށްވެސް އަމީން ވިދާޅުވިއެވެ.
މީގެ އިތުރުން އަމީން ވިދާލުވީ މި ބަލީގައި ފަރުދީ ޒިންމާއެއްގެ ގޮތުން ދެވޭނެ ފަރުވާއަކީ ގޭގައި ތިބުން ކަމަށާއި އިޖުތިމާއީ ގައިދުރުކަން ކަމަށެވެ. މިނިސްޓަރު އަމީން އިތުރަށް ވިދާޅުވީ މީހެއްގެ ފަރާތުން ބަލީގެ އަލާމާތްތައް ފެނުނު ކަމުގައިވީ ނަމަވެސް، ބައްޔަށް ޕޮޒިޓިވްވި ކަމުގައިވީ ނަމަވެސް ތަފާތުކުރުމެއްނެތި ފަރުވާގެ ކަންކަން އިންތިޒާމުކުރާނެ ކަމަށާއި ތަފާތުކުރުމެއްނެތި އެ ބަޔަކާ ދޭތެރޭގައި އޯގާތެރި ނަޒަރުން ބެލުމަކީ މުހިންމު ކަމެއް ކަމަށެވެ.
