ކ. އަތޮޅުގައި އޮންނަ ޖުމެއިރާ ރިސޯޓުގެ ގޮނޑުދޮށުން ހަތަރު ފޫޓުގެ ކިނބުލެއް މިއަދު ފެނިއްޖެއެވެ.
އެމްއެންޑީއެފްއިން ބުނީ އެ ކިނބޫ ފެނުމުން އެމްއެންޑީއެފް އަށް ރިޕޯޓުކުރީ މިއަދު ހެނދުނު 10:32 ހާއިރު ކަމަށެވެ. އެމްއެންޑީއެފްއިން ބުނީ އެ ކިނބޫ ފެނިފައިވަނީ ޖުމެއިރާ ވިއްޓަވެލި ރިސޯޓުގެ ގޮނޑުދޮށުގައި އޮއްވާ އެރަށުގައި މަސައްކަތް ކުރަމުންދާ ބިދޭސީ މުވައްޒަފަކަށް ކަމަށެވެ.
އެ ރިސޯޓުގެ މުވައްޒަފާ ހަވާލާދީ އެމްއެންޑީއެފްއިން ބުނީ އެ ރިސޯޓުގެ މުވައްޒަފު ކިނބުލާއި ގާތްގަނޑަކަށް 15 ފޫޓަށް ކައިރިވި ކަމަށެވެ. ނަމަވެސް އެހާ ހިސާބާއި ކައިރިވިތަނުން ކިނބޫ މޫދަށް ފައިބައިގެން ގޮސްފައިވާ ކަމަށް އެމްއެންޑީއެފްއިން ބުންޏެވެ.
މި ހާދިސާ އެމްއެންޑީއެފްއަށް ރިޕޯޓުކޮށްފައި ވަނީ މާފުށި ޕޮލިސް ސްޓޭޝަނުންކަމަށް އެމްއެންޑީއެފްއިން ބުނެއެވެ. ދާދިފަހުން ހދ. ވައިކަރަދޫ އިން ވެސް ވަނީ ހަތަރު ފޫޓުގެ ކުޑަ ކިނބުލެއް އެރަށު ގޮނޑޮދޮށް ފެނިފައެވެ. ނަމަވެސް އެ ކިނބޫ ފެނުނުއިރުވެސް އޮތީ މަރުވެފައެވެ.
