ޑިޖިޓަލް ދިވެހިރާއްޖޭގެ ތަސައްވުރާއި އެކު އުރީދޫން ކުރަމުން އަންނަ ގިނަގުނަ މަސައްކަތްތަކުގެ ދަށުން، އުރީދޫގެ ހިދުމަތްތައް 24 ގަޑިއިރު ލިބޭ ޑިޖިޓަލް ސެންޓަރެއް ރާއްޖޭގައި މިއަދު ގާއިމްކޮށްފިއެވެ.
އުރީދޫން ބުނީ އެ ސެންޓަރު މެދުވެރިކޮށް، ބިލަށް ފައިސާ ދައްކައި، ރީޗާޖްކޮށް، އެމް-ފައިސާ ވޮލެޓަށް ފައިސާ ޖަމާކުރެވޭނެ ކަމަށެވެ.
އުރީދޫން ތައާރަފު ކުރި ޑިޖިޑަލް ސެންޓަރާ ބެހޭ ގޮތުން ވާހަކަ ދައްކަވަމުން އެކުންފުނީގެ މެނޭޖިން ޑިރެކްޓަރު އަދި ސިއީއޯ ނަޖީބް ހާން ވިދާޅުވީ އެ ސެންޓަރުގެ ސަބަބުން އުރީދޫގެ ކަސްޓަމަރުންނަށް ބޮޑު ލުޔެއް ލިބިގެންދާނެ ކަމަށެވެ.
ޑިޖިޓަލް ސެންޓަރުން ލިބޭ ހިދުމަތްތައް:
- ޕްރީޕެއިޑް ސިމް ކާޑު ބައްލަވައިގަތުން
- ބިލަށް ފައިސާ ދެއްކުން
- ރީޗާޖްގެ ހިދުމަތްތައް
- އެމް-ފައިސާ އެކައުންޓަށް ކޭޝް އިން ކުރުމުގެ ހިދުމަތްތައް
އުރީދޫގެ ޑިޖިޓަލް ސެންޓާ ގާއިމްކޮށްފައި ވަނީ ބޮޑުތަކުރުފާނު މަގުގައި ހުންނަ ކިންގް ސަލްމާން މިސްކިތް ކުރިމަތީގައެވެ. އުރީދޫން ބުނީ އެކުންފުނީގެ ހިދުމަތްތައް އިތުރަށް ޑިޖިޓަލްކޮށް ފަސޭހަކަމާއެކު ހިދުމަތް ލިބޭނެގޮތް ފަހިކޮށްދިނުމަށް ގިނަ މަސައްކަތްތަކެއް ކުރަމުން އަންނަ ކަމަށެވެ.
އުރީދޫ ޑިޖިޓަލް ސެންޓަރު މިއަދު އިފްތިތާހު ކޮށްދެއްވާފައި ވަނީ، އުރީދޫ މޯލްޑިވްސްގެ ޗެއާމަން، ޑޭމިއަން ފިލިޕް ޗަޕެލް އަދި އެކުންފުނީގެ މެނޭޖިންގް ޑިރެކްޓަރު އަދި ސީއީއޯ، ނަޖީބް ހާނެވެ. އެ ހަފްލާގައި ބައިވެރިންގެ ތެރޭގައި އެކުންފުނީގެ ބޯޑު ޑައިރެކްޓަރުން ކަމަށްވާ، އަލްއުސްތާޒާ ދީނާ ހުސައިން، ޑރ. ހާމިދު މުހައްމަދު، ހާލިދު ހުސައިން، މ. އަލް-ހަމާދީ، އަހްމަދު ޒުހޫރު އަދި ސުރޭޝް ކަލްޕަތީ ޗިދަމްބަރަމެވެ.
