ސްނޯކްލިން އަށް ގޮސް އުޅުނު 40 އަހަރުގެ ދިވެހި ފިރިހެނަކު މަރުވެއްޖެއެވެ.
ފުލުހުން ބުނީ، އއ މާޔާފުށި ކައިރީ އޮތް ސަފާރީއަކުން މިރޭ ސްނޯކްލިންއަށް ދިޔަ މީހަކު މަރުވެފައިވާ ކަމަށެވެ.
އެ ހާދިސާގެ ރިޕޯޓް ފުލުހުންނަށް ލިބުނީ މިރޭ 9:40 ހާއިރުއެވެ.
ފުލުހުން ބުނީ އެ ހާދިސާއާ ގުޅިގެން ބަލަން ޖެހޭ ކަންކަން ދަނީ ބަލަމުން ކަމަށެވެ.
އެކަމާ ގުޅޭ އިތުރު ތަފްސީލެއް ފުލުހުން ހާމައެއް ނުކުރެއެވެ.
ސްނޯކްލިއަންއަށް ދިޔަ މީހަކު މިރޭ މަރުވެފައިވާއިރު، އިއްޔެވެސް ވަނީ ސްނޯކްލިންއަށް ދިޔަ މީހަކު މަރުވެފައެވެ. އިއްޔެ މަރުވެފައި ވަނީ އއ. މަޑިވަރު ބޭރަށް ސްނޯކްލިންގްއަށް ދިޔަ 23 އަހަރުގެ ޒުވާނަކެވެ.
