ގެއަކުން ދުން އަރާތީ އެމްއެންޑީއެފްގެ ފަޔާ އެންޑް ރެސްކިއު ޓީމުން ހަރަކާތްތެރިވާން ފަށައިފިއެވެ.
މަުލޫމާތު ލިބިފައިވާގޮތުގައި ދުން އަރަމުން ދަނީ ގަލޮޅު ދަނޑު ކައިރީ ހުރި ގެއަކުންނެވެ.
ފުލުހުން ބުނީ ޝަބުނަމް މަގުގައި ހުރި ގެއެެއްގައި އަލިފާނުގެ ހާދިސާއެއް ހިނގައިގެން މިރޭ 9:18 ހާއިރު ފުލުހަށް ރިޕޯޓު ކޮށްފައި ވާކަމަށެވެ. އަދި އެ ހާދިސާއާއި ގުޅިގެން ފުލުހުން އެ ސަރަހައްދުގައި ހަރަކާތްތެރިވަމުން ދާ ކަމަށްވެސް މައުލޫމާތު ދެއެވެ.
އަލިފާން ރޯވެފައި ވަނީ އެ ގޭގެ ކޮޓަރިއެއްގައި ހުރި ކަރަންޓް ބޯޑެއްގައެވެ. އެ ރޯވި އަލިފާނުގެ އަސަރު ދޮންނަ މެޝިނަކަށް ކޮށްފައިވާއިރު ލާން ގެންގުޅޭ ބައެއް އަންނައުނު އަނދާފައިވާ ކަމަށްވެސް އެމްއެންޑީއެފުން ބުނެއެވެ.
އެ އަލިފާނުގެ ހާދިސާ ހިނގާފައި ވަނީ ގަލޮޅު ޕިޔޯ ސައިޑް ނަކަމަށް ކިޔާގެއްގައި ކަމަށާއި މިހާރު އެ އަލިފާން، އެމްއެންޑީއެފްގެ ފަޔާ އެންޑް ރެސްކިއު ޓޫމުން ނިއްވާލާފައި ވާކަމަށްވެސް އެމްއެންޑީއެފުން ބުނެއެވެ.
