އިލެކްޝަންސް ކޮމިޝަން (އީސީ) ގެ މުވައްޒަފުންނަށް އިއްޔެ އާއި މިއަދު ބިރުދައްކައިފައިވާ މައްސަލައިގައި ބިރުދައްކާ އިންޒާރުދީ ހަދާ ފަރާތްތަކާމެދު ގާނޫނީ ގޮތުން އެޅެން ހުރި ފިޔަވަޅުތައް އެ ކޮމިޝަނުން އަޅަމުން ގެންދާނެ ކަަމަށް އިލެކްޝަނުން ބުނެފިއެވެ.
އިލެކްޝަނުން ބުނީ އެ ކޮމިޝަނުން މުވައްޒަފުންނަށް ބިރުދައްކައިފައިވާ ކަަމަށާއި ބިރު ދެއްކީ، ކައުންސިލް އިންތިހާބުގެ އެޕްލިކޭޝަން ފޯމް ހުށަހަޅަން ދިޔަ އާންމު ފަރާތަކުން ކަމަށެވެ.
އަދި އިންތިހާބުގެ މަސައްކަތުގައި ހަރަކާތްތެރިވާ މުވައްޒަފުންނަށް ބިރުދައްކައި އިންޒާރު ދިނުމަކީ އިސީން ވަރަށް ބޮޑަށް ކަންބޮޑުވާ ކަމެއް ކަަމަށްވެސް އެ ކޮމިޝަނުން ބުނެއެވެ.
އިލެކްޝަންސް ކޮމިޝަނުން މިހާރު ތައްޔާރުވަމުންދަނީ އަންނަ އޭޕްރީލް 4 ވަނަ ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިހާބަށެވެ.
