ކޮންމެ އަހަރުވެސް ފެބްރުއަރީމަހުގެ ހަތަރުވަނަ ދުވަހު ދުނިޔޭގެ ފެންވަރުގައި ފާހަގަ ކުރަމުންދާ ކެންސަރު ބަލީގެ ދުވަހާ ގުޅިގެން ޑރ.ޝިފާން ވިދާޅުވީ ކެންސަރަށް ހާއްސަ ނަރުހުންނާއި ޓެކްނީޝަނުން ތަމްރީނު ކުރުމަކީ އެއް އަމާޒު ކަމަށެވެ.
ދުނިޔޭގެ ކެންސަރު ދުވަސް ފާހަގަ ކުރަމުން ދާއިރު ކެންސަރާ ގުޅޭގޮތުން ޑރ.ޝިފާން ނެރުއްވި ނޫސް ބަޔާނެއްގައި ވިދާޅުވެފައި ވަނީ ކެންސަރުބަލިން ދުރުވުމަށް ފަރުދީގޮތުންނާއި ޖަމިއްޔާ ޖަމާއަތްތަކަާއި، އެކި މުއައްސަސާ ތަކާ ގުޅިގެން މަސައްކަތް ކުރަން ޖެހޭ ކަމަށެވެ.
އަދި 2019 އިން 2021 އަށް، މިދުވަހާ ގުޅިގެން ކަނޑައަޅާފައި ވާ ޝިއާރަކީ "އަހަރެންނަނީ އަދި އަހަރެން" ނެވެ.
މީގެ އިތުރުން އެ ބަޔާނުގައި ބުނެފައި ވަނީ ރާއްޖޭގެ ނިސްބަތުން ކެންސަރު ބަލި ދެނެގަތުމަށް ކުރެވޭނެ ތަހުލީލުތަށް މި ރާއްޖެއިން ވެސް ކުރެވޭ ކަމަށެވެ. އަދި ކެންސަރަށް އަންނަ ބަލިމީހުން މަދުކަމަށާއި ނަމަވެސް އެކަން ދެނެގަނެވޭނެ ގޮތްތަށް ފަސޭހަ ކަމާ އެކު ރާއްޖޭގައި ގާއިމް ކުރެވިފައިވާ ކަމަށެވެ.
އަދި ކެންސަރަށް މިހާރު ރާއްޖޭގައި ފަރުވާދޭން ފެށިފައި ނުވި ނަމަވެސް މިހާރު ހުރި ވަސީލަތްތަކާ އެކުވެސް ކުރިއަށް ދިއުމަށް ދަތިތަކެއް ހުރިކަން ވަނީ ފާހަގަ ކޮށްފައެވެ.
ރާއްޖޭގައި މުޅިން އަލަށް ކެންސަރުބަލި ހުންނަ މީހުންނަށް ފަރުވާދޭން ފަށާފައި ވަނީ ދާދި ފަހުން ކަމަށާއި އެ ހިދުމަތް ފުޅާކުރުމަށް ގިރާ ކުރަންޖެހޭ ގިނަ ހަރުފަތްތަކެއް ހުރި ކަމަށްވެސް އޭނާގެ ބަޔާނުގައި ވިދާޅުވެފައި ވެއެވެ.
ރާއްޖޭގައި ކެންސަރަށް ހާއްސަ ހޮސްޕިޓަލެއް ގާއިމް ކުރެވޭ ކަމީ އުފާކުރަން ޖެހޭ ކަމެއް ކަމަށާއި އެ ހޮސްޕިޓަލް ވެގެން ދާނީ ރާއްޖޭގެ ސިއްހީ ނިޒާމަށް އަންން އިންގިލާބަކަށް ކަމަށެވެސް އޭނާ ވިދާޅުވެފައި ވެއެވެ.
ދުނިޔޭގެ ކެންސަރު ދުވަސް ފާހަގަ ކުރަމުން ދާއިރު، ރާއްޖޭގައި ކެންސަރަށް ފަރުވާކުރާ ސެންޓަރެއް ހުޅުވީ 2017 ވަނަ އަހަރެވެ.
