މުޅި ރާއްޖެއަށް ހުޅުވާލައިގެން މޯލްޑިވްސް ޕޮލިސް ސާވިސްއިން ކުރިއަށް ގެންދާ މިއަހަރުގެ "ލާމަސީލު ޒުވާނާ" ޕްރޮގްރާމުގައި ބައިވެރިވުމުގެ ފުރުސަތު ހުޅުވާލައިފި އެވެ.
މި ޕްރޮގްރާމުގެ ދަށުން ބައިވެރިންނަށް އެކި ހަރަކާތްތައް ދަސްކޮށްދިނުމަށް ވަނީ ރާވާފަ އެވެ. އެގޮތުން މި ޕްރޮގްރާމުގެ ތެރެއިން ބައިވެރިންނަށް ސަވައިވަލް ސްކިލްސްތައް ދަސްކޮށްދިނުމާއި، އެކި ޗެލެންޖިން ޓާސްކުތައް ހަވާލު ކުރުމުގެ އިތުރަށްް ތަފާތު އެކި ހަރަކާތްތައް ރޭވިފައި ވެއެވެ. ޕްރޮގްރާމް ކުރިއަށް ގެންދިއުމަށް ހަމަޖެހިފައި ވަނީ އަންނަ އަހަރުގެ ޖެނުއަރީ މަހުގެ 12 ވަނަ ދުވަހުން ފެށިގެން ޖެނުއަރީ 25 ގެ ނިޔަލަށެވެ.
މި ޕްރޮގްރާމުގައި ބައިވެރިވުމުގެ ފުރުސަތު މިހާރުވަނީ ހުރިހާ ފަރާތްތަކަށް ވެސްް ހުޅުވާލާފައެވެ. ޕްރޮގްރާމުގައި ބައިވެރިވުމުގެ ފުރުސަތު ހުޅުވާލާފައިވަނީ އުމުރުން 18 އަހަރާއި 25 އަހަރާއި ދެމެދުގެ ޒުވާނުންނަށެވެ.
ބައިވެރުވުމަށް ބޭނުންވާ ފަރާތްތަކުން ޑިސެމްބަރު މަހުގެ 25 ވަނަ ދުވަހުގެ ކުރިން ފޯމް ހުށަހެޅަން ޖެހެއެވެ. ފޯމްތައް ލިބޭނީ އެރަށެެއްގެ ޔޫތް ސެންޓަރުތަކުން ނުވަތަ އޮންލައިން މެދުވެރިކޮށް ގެޒެޓުންވެސް ލިބޭނެއެވެ.
