ޓެކްސީގެ ހިދުމަތް ބޭނުންވާ ފަރާތްތަކުން އެފަރާތްތަކުގެ ގޭގެ އެޑްރެސް ނުދެންޏާ ޓެކްސީ ނުފޮނުވާ ގޮތަށް މާލޭގެ ބައެއް ސެންޓަރުތަކުން ނިންމައިފި އެވެ.
ޓެކްސީ ހޯދަން ގުޅުމުން އެޑްރެސް ބުނެދޭން ޖެހޭ ގޮތަށް ނިންމި ސެންޓަރުތަކުގެ ތެރޭގައި، ނިއު ޓެކްސީގެ އިތުރުން ޑަޔަލް ކެބް ސެންޓަރު ހިމެނެއެވެ. މާލޭގެ ޓެކްސީ ހިދުމަތްދޭ ބައެއް ސެންޓަރުތަކުން މިހެން ކަންތައް ކުރަން ނިންމާފައިވަނީ، ދާދިފަހުން ހުޅުމާލޭގައި ހިނގި ހާދިސާއެއްގައި ޓެކްސީ ޑުރައިވަރު ގާސިމް ހަސަނަށް ބަޔަކު ވަޅިން ހަމަލަދީ މަރާލުމާއި ގުޅިގެން ނެވެ. އެނގިފައިވާގޮތުގައި ގާސިމްގެ ކަރަށް ވަޅި ހަރާފައިވަނީ ޓެކްސީ ދަތުރެއްގައި ދިޔަ ބައެކެވެ. ނަމަވެސް މި މަރާއިގުޅިގެން މިހާތަނަށް ފުލުހުން އެއްވެސް މީހަކު ހައްޔަރުކޮށްފައި ނުވެއެވެ.
އެސެންޓަރުތަކުން ބުނީ އެގޮތަށް އަމަލުކުރަން ނިންމީ ޓެކްސީ ޑުރައިވަރުންނާއި އަދި ކަސްޓަމަރުންގެ ވެސް ރައްކާތެރި ކަމަށް ކަމަށެވެ. މީގެ އިތުރަށް ކަސްޓަމަރުން ދެނީ ރަނގަޅު އެޑްރެސްތޯވެސް ބަލާނެކަމަށް ސެންޓަރުން ބުނެއެވެ. އަދި ނުބައި އެޑްރެސްއެއް ދީފި ނަމަ ޓެކްސީ ނުފޮނުވާނެކަމަށްވެސް ޓެކްސީ ސެންޓަރުން ބުނެއެވެ. މީގެ އިތުރަށް ވަކިވަކި ޓެކްސީ ޑުރައިވަރުންގެ ފޯން ނަމްބަރު ކަސްޓަމަރުންނަށް ދިނުންވެސް މިހާރު ވަނީ ހުއްޓާލައިފައެވެ. ވަކި ޓެކްސީ ޑުރައިވަރަކާ ގުޅަން ބޭނުންވާ ކަސްޓަމަރުން އެކަން ކުރަން ޖެހޭނީ ސެންޓަރު މެދުވެރިކޮށް ކަމަށް ސެންޓަރުން ބުނެއެވެ.
މިނިސްޓަރު ނަހުލާ އަށް ރެޔަކާ ލިތޯ މި ބިރުވެރިކަން. ސަން އައިލަންޑުގައި ޗުއްޓީގައި ދެއްތޯ. ޓެކްސީއަށް އަރަން ނުޖެހޭ މީހުންނަށް އިހްސާސް ނުކުރެވޭނެ މިއީ ސަލާމަތް ބޭނުންވާ ކަމެއް ކަމެއް.