34 މީހުންނާ އެކު ދަތުރުކުރި ސަފާރީއެއް ގިރިއަކަށް އަރައިފިއެވެ.
މި ހާދިސާއާ ގުޅިގެން މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އިން ބުނީ، މިހާދިސާގެ ރިޕޯޓް މިއަދު ހަވީރު 4:35 ހާއިރު އެމްއެންޑީއެފަށް ލިބިފައިވާ ކަމަށެވެ.
އެމްއެންޑީއެފުން ބުނީ "އިރުވައި" ނަމަކަށް ކިޔާ ސަފާރީ ގިރިއަކަށް އަރާފައިވަނީ އދ. މޫފުށީގެ އިރު ދެކުނުން 4.7 ނޯޓިކަލް މޭލު ބޭރުން ކަމަށެވެ. އަދި މި ހާދިސާގެ ރިޕޯޓް ލިބުމާއި އެކު ސަފާރީއަށް އެހީތެރިކަން ފޯރުކޮށްދިނުމަށް އެމްއެންޑީއެފް މާލެ އޭރިއާ ކޯސްޓް ގާޑް ސްކޮޑްރަން އިން ހަރަކާތްތެރި ވާން ފަށާފައިވާ ކަމަށް އެމްއެންޑީއެފުން މައުލޫމާތުދެއެވެ.
އެމްއެންޑީއެފުން ބުނީ 34 މީހުންނާ އެކު ދަތުރު ކުރި ސަފާރީގައި 22 ފަތުރުވެރިންވެސް ތިބި ކަމަށެވެ.
ގިރިއަކަށް އެރި ސަފާރީއަކަށް އެމްއެންޑީއެފުން އެހީތެރިކަން ފޯރުކޮށްދެމުންދާއިރު، ކަނޑުމަތީގައި ހިނގާ މިފަދަ ހާދިސާތަކަށް އެމްއެންޑީއެފްގެ އެހީތެރިކަން ދަނީ ލިބެމުންނެވެ.
