"ހިޔާ" މަޝްރޫއުގެ ދަށުން ފްލެޓްތަކަށް އެދި ފޯމު ހުށަހަޅާފައިވާ ފަރާތްތަކުގެ ދިރިއުޅުމުގެ ހާލަތު ބެލުމަށް ގޭގެއަށް ޒިޔާރަތް ކުރުމަށް ފްލެޓްތަކުގެ މައްސަލަބަލާ ކޮމިޓީން ނިންމަވައިފިއެވެ.
ރައީސް އޮފީހުން މިއަދު ބުނީ "ހިޔާ" މަޝްރޫއު ގެ ދަށުން ފްލެޓު ދިނުމުގައި ބޭއިންސާފުން ޢަމަލު ކޮށްފައި ވާތީ، އެކަން ބެލުމަށް ރައީސުލްޖުމްހޫރިއްޔާ އެކުލަވާލެއްވި ކޮމިޓީގެ ފަރާތުން މިކަން ހާމަކޮށްފައި ވަނީ، އެކޮމިޓީން ހިޔާ މަޝްރޫޢު ގެ ދަށުން ފްލެޓު ދިނުމުގައި ޢަމަލުކޮށްފައި ވާގޮތް ބެލުމަށް ކުރަމުންދާ މަސައްކަތުގެ ތެރެއިން ދިރިއުޅުމުގެ ހާލަތު ދެނެގަތުމާ ގުޅޭގޮތުން ގެޒެޓްކުރި އާންމު އިއުލާނެއްގައި ކަމަށެވެ. ފްލެޓްތަކުގެ މައްސަލަބަލާ ކޮމިޓީން ދިރިއުޅުމުގެ ޙާލަތު ވަޒަން ކުރުމަށް ގޭގެއަށް ޒިޔާރަތް ކުރުމުގެ މަސައްކަތް ކުރިއަށް ގެންދާނީ މާދަމާ ހެދުނު 10:00 އާއި ހަވީރު 18:00 އާއި ދެމެދުގެ ވަގުތު ތަކުގައި ކަމަށް ކޮމިޓީން ހާމަކޮށްފައި ވެއެވެ.
މި މަސައްކަތުގައި ގޭގެއަށް ޒިޔާރަތް ކުރަމުން ގެންދާނީ ރައީސުލްޖުމްހޫރިއްޔާގެ އޮފީހުގެ ތައްގަނޑު ޖަހާފައިވާ އައިޑެންޓިފިކޭޝަން ކާޑާއެކު ހަރަކާތްތެރިވާ 2 މީހުންގެ މައްޗަށް އެކުލެވޭ ޓީމު ތަކަކުން ކަމަށް ރައީސް އޮފީހުން ބުނެއެވެ. އަދި ދިރިއުޅުމުގެ ހާލަތު ދެނެގަތުމަށް ގޭގެއަށް ޒިޔާރަތް ކުރުމުގެ ކުރިން ފޯމު ހުށަހަޅާފައިވާ ފަރާތަށް 3010718 ނަންބަރުން، ގުޅުމަށްފަހު، ދާނެ ދުވަހަކާއި ގަޑިއެއް ފްލެޓްތަކުގެ މައްސަލަބަލާ ކޮމިޓީން އަންގާނެ ކަމަށްވެސް ރައީސް އޮފީހުން ބުނެއެވެ.
ރައީސް އޮފީހުން ބުނީ ހިޔާ" މަޝްރޫއުގެ ދަށުން ހުށަހަޅާފައިވާ ފޯމުތަކުގެ ތެރެއިން މިހާތަނަށް 25,244 ފޯމާއި ފޯމުތަކާއެކު ހުށަހަޅާފައިވާ ލިޔެކިޔުންތައް ތަރުތީބުކޮށް، ކެޓަގަރީތައް ވަކިކުރުމަށްފަހު ފްލެޓްތަކުގެ މައްސަލަބަލާ ކޮމިޓީގެ ފަރާތުން އެ ލިޔެކިޔުންތަކާ ޙަވާލުވެފައިވާ ކަމަށެވެ. ފްލެޓް ދިނުމުގައި ޢަމަލުކޮށްފައިވާ ގޮތް ބެލުމަށް ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު އެކުލަވާލެއްވި ކޮމިޓީއަށް އެމަސައްކަތުގައި ގިނަ ގޮންޖެހުންތަކެއް ކުރިމަތިވެފައިވާކަން އެކޮމިޓީން މީގެކުރިން ވަނީ ފާހަގަކޮށްފައެވެ.
އެގޮތުން، ލިޔެކިޔުންތައް ބެލެހެއްޓުމުގައި ވެފައިވާ އިހުމާލުގެ ސަބަބުން ފޯމުތައް އިވެލުއޭޓްކުރުމުގެ މަސައްކަތަށް ގިނަ ހުރަސްތަކެއް ކުރިމަތިވެފައިވާކަން ފްލެޓްތަކުގެ މައްސަލަބަލާ ކޮމިޓީން ފާހަގަކޮށްފައިވެއެވެ. އެ މަޝްރޫއަށް ފޯމު ހުށަހެޅި ފަރާތްތަކަށް ފްލެޓު ލިބޭނެ ކަމުގެ ލިޔުން ނިމިދިޔަ ސަރުކާރުން ހަވާލުކޮށްފައިވީ ނަމަވެސް "ދިރިއުޅުމުގެ ޙާލަތު"، އެ ބަޔަށް ރިއާޔަތްކޮށްފައި ނުވާ ކަމަށް ފްލެޓްތަކުގެ މައްސަލަބަލާ ކޮމިޓީން ހާމަކުރެއެވެ. އަދި "ހިޔާ މަޝްރޫޢު" ގެ ގިނަ ކެޓަގަރީތަކުގައި "ދިރިއުޅުމުގެ ޙާލަތު"، އެ ބަޔަށް ޕޮއިންޓް ދިނުމަށް ނިންމާފައި ވީނަމަވެސް، އެބަޔަށް ޕޮއިންޓް ދިނުމުގައި ބަލާފައިވަނީ ކޮން ކަންތައްތަކަކަށް ކަމެއް ނުވަތަ ޕޮއިންޓް ދިނުމުގައި ގެންގުޅެފައިވަނީ ކޮން މިންގަނޑެއްކަމެއް، މިހާތަނަށް ބެލި ބެލުމުން އެނގެން ނެތްކަމުގައި ކޮމިޓީން ފާހަގަކުރެއެވެ. މީގެއިތުރުން ދިރިއުޅުމުގެ ހާލަތު ދެނެގަތުމަށް މީގެކުރިން ގޭގެއަށް ޒިޔާރަތްކޮށްފައިނުވާކަންވެސް ކޮމިޓީން ވަނީ ފާހަގަކޮށްފައެވެ.
ތިިިީހަމަ ރަނގަޅު ގޮތުގަ މިހާރު ތިގެންދަނީި
ޢިތުރު އެއްޗެއް ބަލާކަށް ނުޖެހޭ، ދޭންޖެހޭ މީހުން އެހެރީ ކަނޑައެޅި ލިއުން ހަވާލުކޮށް ނިމިފަ. މިސަރުކާރުން ބަދަލެއް ގެންނަން ބޭނުމިއްޔާ އިތުރު ނަމެއގައި އިތުރު ފުލެޓް އަޅާ. ދެން ބޭނުން ބަޔަކަށް ފޯމުހުށަހަޅައިގެން ދީ.. ހިޔާ ފުލެޓްތައް މިހުރިގޮތަށް ނުދީފިއްޔާ ތިޔައީ އިންސާފެއް ނޫން. ޙިޔާފުލެޓްތައް މިހާރުނިމިފަ ހުރިގޮތަށް ދިނުމަށް ރައްޔިތުން މިގޮވަނީ. ސަރުކާރުން މިހޮތަށް ޢަމަލުކުރޭ. ާާާ އެހެން ނޫނިއްޔާ ބޭއިންސާފު، ބޭއިންސާފުބޭއިންސާފު ބޭއިންސާފު...!!!!
ކޯޗެކޭތަ މިކިޔަނީ؟ އަހަންނަކީ ގުޅިފަޅުން އެޕާޓްމެންޓެއް ވިއްކާނެ ކަމަށް ބުނެ މީގެ "އެއްގަރުނު" ކުރިން އަތުގާ އޭރު އޮތް ފައިސާކޮޅު "ސަރުކާރުން" އަތުލައިގެންފަ ހުރި މީހެއް. އެކަމާ ހެދި އެތައް ގެއްލުމެއް ވެއްޖެ. އެކިފަހަރު މަތީން އެޕާޓްމެނަް ދޭނަމޭ ކިޔާފަ ލިޔުން ދީފަ އެބަހުރި. އެއްންމެފަހުން ބުނެފަ އޮތްގޮތުން ހީވެފާ އޮތީ ހިޔާ ޕރޮޖެކްޓް އިން ލިބޭނެ ކަމަށް. އިންތިޒާރުގަ ހުރެ އުމުރު ހުސްވަނީ. މިހާރު ތިޔަބުނާ ބެލުމެއް ބަލާފަ އަނެއްކާ ވެސް ތިތަނުންވެސް ނުދޭން ނިންމަނީ ދޯ؟ މީއީ މިހާރު ބޮޑު އަނިޔާއަކަށް ވެއްޖެ.
ތީ ދޭން އުޅޭ އެއްޗެއްނޫން. ތިވެސް އަހަރުމެން ލޮލުގަ އަޅުވާއަނދުނެއް