ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދު، ސަލާމަތީ ބާރުތަކާ ގުޅޭ ގޮތުން ދައްކަވާ ވާހަކަތަކުން ގައުމީ ސަލާމަތަށް ނުރައްކާވާ ކަަމަށް ކުރީގެ ނައިބް ރައީސް މުހައްމަދު ޖަމީލް އަހުމަދު ވިދާޅުވެއްޖެއެވެ.
ޖަމީލް އެގޮތަށް ވިދާޅުވީ، ރާއްޖޭގެ ދިފާއީ ބާރުތަކުން އަނދިރި ދައުލަތަށް ބައިއަތު ހިފަމުންދާ ކަމަށް ތުހުމަތު ކުރައްވައި އިއްޔެ ނަޝީދު ދެއްކެވި ވާހަކަތަކާއި ގުޅިގެނެވެ.
ޖަމީލް މިއަދު ވިދާޅުވީ ރާއްޖޭގެ ސަލާމަތީ ބާރުތަކާ ބެހޭ ގޮތުން މަޖިލިސް ރައީސް ދައްކަވާ ވާހަކަތައް ތަހުގީގު ކުރަންޖެހޭ ކަމަށެވެ. އަދި އެއީ ސީރިއަސް އިލްޒާމްތަކެއް ކަމަށާއި ނުރައްކާ ނަތީޖާތަކެއް އެކަމުން ނުކުމެދާނެ ކަމެއް ކަމަށެވެ.
ކުޑަކުދިންގެ ހައްގުތަކާއި ކުޑަކުދިންގެ އަދުލުގެ ނިޒާމާ ބެހޭ ސެމިނާގައި ވާހަކަ ދައްކަވަމުން އިއްޔެ ނަޝީދު ވިދާޅުވީ ރައްޔިތުންގެ މަޖިލީހުން ފާސް ކުރާ ބިލްތައް ރައީސް ތަސްދީގު ކުރެއްވި ނަމަވެސް، އެ ގާނޫނު ނުދެމެހެއްޓި ނަމަވެސް އެއީ ރަނގަޅު ކަމެއް ކަމަށް ދެކޭ މީހުން އެބަތިބި ކަމަށެވެ. އަދި ދިވެހިންގެ ވިސްނުމަށް ބަދަލު އައީ ދިފާއީ ބާރުގެ ތެރޭގައި ފަރުވާ ކުޑަކަމާއި އަޅާނުލުމުގެ ސަބަބުން ކަމަށްވެސް އެމަނިކުފާނު ވިދާޅުވިއެވެ.
ނަޝީދު ވިދާޅުވީ، ރާއްޖެ މިދަނީ ހަރާބުގެ މަގަށް ކަމަށާއި ރާއްޖެ ސަލާމަތް ކުރަން އެދޭނަމަ މި ނިދިން ހޭލަންޖެހޭ ކަމަށެވެ. އަދި ދިވެހިން ހަތަރު އަނގޮޅިން ހަރާބުގެ މަގު އިހްތިޔާރު ކޮށްފިނަމަ، ރާއްޖެ ގެއްލިދާނެ ކަމަށާއި މިކަން ހައްލު ކުރުމުގެ ރާސްތާ ދެނެގަނެ، ހައްލު ހޯދަންޖެހޭ ކަމަށް ނަޝީދު ވިދާޅުވިއެވެ.
މީގެ އިތުރުން ނަޝީދު ވިދާޅުވީ، 13 އަހަރުގެ ކުއްޖަކާ މީހަކު އިނދެފައި، އޭނާގެ ކައިވެނި ކޮށްދިން މީހުންދިން ސެޓްފިކެޓް ސަރުކާރުގެ ވުޒާރާއަކަށް ހުށަހެޅުމުން އެ ބަލައިގެންފައިވާ ވާހަކަ އިއްޔެވެސް އިވި ވަޑައިގެންނެވި ކަމަށެވެ. އަދި މިއީ މުޅިން އެހެން ނިޒާމަކުން ކުރާ ކަމެއް ކަމަށެވެ. އަދި މި އަނދިރި ދައުލަތުގެ ނިޒާމުން ދިވެހިންގެ ޝަރުއީ ނިޒާމާއި ގާނޫނުތަކާއި ވާދަ ކުރަމުންދާ ކަމަށްވެސް އެމަނިކުފާނު ވިދާޅުވިއެވެ.
ބޮޑިބަތް ތެޅޭ ގޮތުން ވެސް ޤަޢުމީ ސަލާމަތަށް ނުރަށްކާ މީދެން ކާކުތަ ކުރާނެކަމެށްނެތެށް ނުން މިސްކިތުގައިދެބަލަ ...... .......