އިސްލާމިކް މިނިސްޓަރުގެ މަގާމު ފުރުއްވިއިރު ހަރުކަށި ހިޔާލުގެ މީހުން ފިކުރީ ގޮތުން ރަނގަޅު ބަޔަކަށް ހެދުމަށް ގިނަ މަސައްކަތް ކޮށްފައި ވާނެ ކަމަށް ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ޑރ. ޝަހީމް މިއަދު ކުރެއްވި ޓްވީޓެއްގައި ވިދާޅުވީ، އޭނާގެ ވަޒީރުކަމުގައި މަސައްކަތް ކުރައްވާފައި ވާނީ އިލްމުވެރިން އެއްގަލަކަށް އަރުވައި، ހިޔާލު ތަފާތުވުން ކުޑަކޮށް ސުލްހަވެރިކަމާ އެކު މަޝްވަރާ ކުރުމުގެ ވެށްޓެއް އުފެއްދުމަށް ކަމަށެވެ. އަދި ހަރުކަށި ހިޔާލުގެ މީހުން ފިކުރީ ގޮތުން ރަނގަޅު ބަޔަކަށް ހެދުމަށް ގިނަ މަސައްކަތް ކުރައްވާފައި ވާނެ ކަމަށް ވެސް ޑރ. ޝަހީމް ވިދާޅުވިއެވެ.
ޑރ. ޝަހީމް މިހެން ވިދާޅުވެފައި ވާއިރު، ޑރ. އަފްރާޝީމް އަލީ އަވަހާރަކޮށްލި މައްސަލާގައި މަރާލާފައިވާ މީހުންނާއި ގެއްލުވާލާފައިވާ މީހުންގެ މައްސަލަތައް ބެލުމަށް ރައީސް އުފައްދާފައިވާ ރިޔާސީ ކޮމިޝަނުން ކުރި ތަހުގީގު ރިޕޯޓުގައި ވަނީ ޑރ. ޝަހީމަށް ބޮޑެތި ތުހުމަތުތަކެއް ކޮށްފައެވެ. އެގޮތުން، ޑރ. ޝަހީމް ކޮމިޝަނަށް ލިޔުމުން ފޮނުއްވާފައިވާ މައުލޫމާތުގައިވާ ގޮތުން އޭނާއާ 2012، އޮކްޓޯބަރު އެއްވަނަ ދުވަހު ބައްދަލުކުރެއްވުމަށް އިސްލާމިކް މިނިސްޓްރީއަށް އަފްރާޝީމް ވަޑައިގެންނެވީ އެއްވެސް ގޮތަކަށް އޭނާ އެދިވަޑައިގެން ނޫން ކަމަށް ވެއެވެ. އަދި އަފްރާޝީމް އަވަހާރަ ކޮށްލުމުގެ ކުރިން، ޑރ. ޝަހީމަށް ލިބިވަޑައިގެންނެވި މެސެޖެއްގައި އަފްރާޝީމް ރުޖޫއަވެ، މީޑިއާގައި އިއުލާނު ކުރައްވައިފިނަމަ، މެސެޖު ފޮނުވި ބަޔަކު އަލުން އަނބުރާ އަފްރާޝީމް ދެކެ ލޯބިވާނެ ކަމަށް ޝަހީމް ވިދާޅުވި ކަމަށް ރިޕޯޓުގައި ވެއެވެ.
ޝަހީމް މިފަދައިން މަރު ކޮމިޝަނަށް މައުލޫމާތު ދެއްވާފައިވީ ނަމަވެސް، 2012، އޮކްޓޯބަރު އެއްވަނަ ދުވަހުގެ މެންދުރު 1:00 އަށް އިސްލާމިކް މިނިސްޓްރީއަށް ވަޑައިގަތުމަށް ޝަހީމް ދެންނެވި ކަމަށް ދެބޭފުޅުންގެ ދެމެދުގައި ބަދަލު ކުރައްވައިފައިވާ މެސެޖުތަކުން އެނގޭ ކަމަށް ރިޕޯޓުގައި ވެއެވެ. އަދި ޝަހީމަށް ބަޔަކު ފޮނުވި ކަމަށް ވިދާޅުވާ އެ މެސެޖު ޝަހީމަށް ފޮނުވި ފަރާތެއް އޭނާ ހަނދުމަ ނެތް ކަމަށާއި އޭނާ ކޮމިޝަނަށް އެ މައުލޫމާތު ސާފުކޮށްދެއްވާފައި ނުވާ ކަމަށް ރިޕޯޓުގައި ބުނެއެވެ.
މީގެ އިތުރުން، މަރު ކޮމިޝަނުގެ ރިޕޯޓުގައި ބުނީ އަފްރާޝީމް މަރާލުމަށްފަހު އޮކްޓޯބަރު ދެވަނަ ދުވަހު މާލެއިން ގަތަރަށް ފުރި ފްލައިޓުން 10 މީހުން ފުރި ކަމަށެވެ. އަދި އޭގެ ތެރެއިން ސީރިއާ އަދި ސޫދާނަށް ދިޔަ މީހުންގެ ތެރޭގައި ޖާދުﷲ އިބްރާހިމް، މުހައްމަދު އިޝާން، އަބްދުﷲ ބަޝީރު، ފައުޒީ، އަހްމަދު ޔުސްރީ މުހައްމަދު ޝަރީފު، މުހައްމަދު ޝަފީގު، މުހައްމަދު ތަސްނީމް، އައިޝާ ނަހުލާ އަބްދުލްލަތީފް އަދިި އިބްރާހީމް ހުޝާމާއި މިފްޒަލް މުހައްމަދު ހިމެނެއެވެ. ރިޕޯޓުގައި ބުނެފައި ވަނީ، މި އެންމެނަކީ ވެސް މަޒީދާއި ސާމިދުގެ ޖިހާދީ ފިކުރުގެ ޖަމާއަތުން ތަމްރީނުކޮށްފައިވާ މީހުން ކަމަށެވެ. އެ ރިޕޯޓުގައި ބުނީ މާލެއިން ގަތަރަށް ދިޔަ ފްލައިޓުގައި ދެން ވަޑައިގެންނެވީ ޑރ. ޝަހީމް ކަމަށެވެ.
ނަމަވެސް ޝަހީމް ވަނީ މަރު ކޮމިޝަނުގެ އެ ވާހަކަތައް ދޮގު ކުރައްވާފައެވެ.
ޑޮކްޓަރ ޝަހީމް އެވެ. ތިޔަ ކަމާއި ގުޅިގެން އިސްލާމީ ޝަރީޢަތުން އަންނަ ހުކުމެއް އައުމަކީ މައްސަލައެއްނޫނެވެ. ފުރާނަ ސަލާމަތުން ހުރި ނަމަ ތައުބާ ވުމުގެ ފުރުސަތު އެބައޮތެވެ. އަދި ތިކަމުގެ ހަގީގަތް ރަނގަޅަށް ކިޔައިދިނުމުގެ ފުރުޞަތުވެސް އެބަ އޮތެވެ. ހަމަ ހަގީގަތުގައިވެސް ޑޮކްޓަރ އަކީ މައުސޫމް މީހެއްކަމުގައިވާނަމަ އެކަން ސާބިތުކޮށްދޭށެެވެ.
އެ ރިޕޯރޓަށް ބަލާއިރު އެކަމުގައި ވަށައިގެން އެއުޅޭ މީހުންނަކީ ނުރައްކާތެރި ގައުމަށް ހުރި ބިރެއްކަން ފާގަވޭ. އަދި އެ އެންމެން ހިފައި ހައްޔަރުކުރަންެޖެހޭ، މިއީ މިދުނިޔޭގައި އޮތް ހަމައެކަނި އިސްލާމީ ފަޚުރު، އެގޮތުގައި އެކަން ދަމަހައްޓަންޖެހޭނެ. މީހުންގެ ލެއާއި މުދާ ހުއްދަކޮށް އަދި ދީނީ ބޮޑެތި ހަރާމްކަންތައްކޮށްގެން ފައިސާ ހޯދުން ހުއްދަ ކުރާ ސެލްތަކެއް މި ރާއްޖޭގައި އެޮވެގެންނުވާނެ.
ޙަމަ ޙަޤީޤަތުގައިވެސް ޑރ.ޝަހީމަކީ ހަރުކަށި ފިކުރާދެކޮޅަށް މަސައްކަތް ކުރެއްވި ބޭފުޅެކެވެ. ޙިމަންދޫ މައްސަލަޔާ ޤުނޫތުގެ މައްސަލަފަދަ ކަންކަމުގައި ޑރ.މަޖީދާއެކު ރަގަޅު މަސައްކަތް ތަކެއް ކުރެއްވިއެވެ. ޢެކަމަކު ޔާމީނާ ބައިޢަތު ހިފިފަހުން އާޚިރަތަށްވުރެ ދުނިޔެ ބޭނުންބޮޑުވީމާ ނަމަވެސް މީޙާގެ ސިފަޔާ ވައްޓަފާޅި ބަދަލުވެ ޙަސަދަވެރިންގެ މައްޗަށް ކުއްތާފާކުރައްވަން ދުޢާކޮށް ނުރުހޭ މީހާ ދުއްވާލައިގެންވެސް ބާރު ހޯދުމުގެ ސިލްސިލާ ފެއްޓެވިކަން ދިވެހި ރައްޔިތުންވަނީ ދެކެފައެވެ. ޑރ.އަފްރާޝިމް ކަތިލަން ބަޔަކު މަސައްކަތްފެށި ވަގުތުގައި އެގިވަޑައި ނުގެންނަމަވެސް ޑރ.ޝަހީމްގެ ވާގިވެރިކަން އެބަޔަކަށް ދެވިފައިވާކަން މާސާފުކޮށްވެސް އެއޮތީ މެސެޖާއި ރިޕޯޓްތަކުން އެގެންށެވެ. މިއަދު ޝަހީމް ދައްކަވާ ވާހަކަތައް ޤަބޫލު ކުރެވޭ ވަރަށްވުރެ ޝަރީޢަތާއި ދުރު ޢަމަލުތަކުގައި ބައިވެރިވެފައިވާތީ ފެންނަންހުރި ހެކިތައް ގޯސްކޮށްފައި ބަރީޢަވެވޭނީ ކިހިނެއްތޯއެވެ. 2018 ވަނަ އަހަރު ރިޔާސީ އިންތިޚާބުގައި ޔާމީނުގެ ވައްކަމާ އަނިޔާވެރިކަން ދިފާޢުކޮށް ބަސްބުނި ޢިލްމެރިޔަކު، އަދި ރައްޔިތުންގެ ފައިސާ އެކައުންޓަށް އަޅައިގެން އުޅޭ ބޮޑު މުޖްރިމަކަށް ނަޞްރު ހޯދައިދޭން އަޑު އުފުލިމީހަކު، މާބޮޑު ތެދުބަހެއް ބުނެފާނެ ކަމަށް މިހާރު ޤަބޫލުކުރެވޭކަށް ނެތެވެ. ދިފައިވާ ބަޔާނާ ފެންނަންހުރި ހެކިތަކާއި ކަންހިގާފައިވާ ގޮތް ދިމަލެއްނުވެއެވެ. ޑރ.ސަލްމާން ރުޝްދީ އަކީވެސް އެއްޗެއް ނޭންގޭ މީހެއްނޫނެވެ