އުރީދޫ މޯލްޑިވްސް އިން ވިޔަފާރިވެރިންނަށް ހާއްސަ ޕްރޮމޯޝާނެއް ފަށައިފިއެވެ.
މި ޕްރޮމޯޝަންގައި ބައިވެރިވުމަށް ކުރަންޖެހޭ ކަމަކީ އެމްފައިސާ ގައި ވިޔަފާރި ކުރާ ފަރާތްތައް ރަޖިސްޓްރީ ކުރުމުންނެވެ. އެގޮތުން އެމްފައިސާ މެދުވެރިކޮށް ކުރެވޭ ވިޔަފާރިތަކުގައި ވިޔަފާރި ކުރާ ފަރާތަތްކަށް އުރީދޫން އިނާމުތަކެއް ވަނީ ކަނޑައަޅާފައެވެ.
އުރީދޫން ބުނީ، މި ހާއްސަ ޕްރޮމޯޝާންގައި މި އަހަރު ނިމުމުގެ ކުރިން ރަޖިސްޓާ ކުރާ ފަރާތްތަަކަށް ސާވިސް ފީ މުޅިން ހިލޭ ލިބޭ ގޮތަށް ހަމަޖެހިފައިވާ ކަމަށެވެ. އެގޮތުން އެމް ފައިސާ މެދުވެރިކޮށް އެންމެ ގިނައިން ވިޔަފާރި ކުރައްވާ އަދި ގިނަ ފައިސާ ހޯއްދަވާ ފަރާތަކަށް 2022 ވަނަ އަހަރުގެ ނިޔަލަށް ސާވިސް ފީ މުޅިން ހިލޭ ލިބޭނެ ގޮތަށް ހަމަޖެހިފައިވާ ކަމަށާއި އަދި މީގެ އިތުރުން އެންމެ ގިނަ ވިޔާފާރީގެ މުއާމަލާތް ހިންގާ ފަރާތަކަށް 5000 ރުފިޔާގެ އިނާމެއް ލިބޭ ގޮތަށް ހަމަޖެހިފައިވާ ކަމަށްވެސް އުރީދޫން ބުނެއެވެ.
އުރީދޫން ބުނީ މި ޕްރޮމޯޝަން ކުރިއަށް ދާނީ މި މަހުގެ އެއްވަނަ ދުވަހުން ފެށިގެން މި އަހަރުގެ ޑިސެމްބަރު މަހުގެ ނިޔަލަށް ކަމަށެވެ.
މީގެ އިތުރުން މި އަހަރުގެ ޑިސެމްބަރު މަހުގެ ނިޔަލަށް އުރީދޫ އެމްފައިސާ މެދުވެރިކޮށް ބިލް ދައްކާ ފަރާތްތަކުގެ ތެރެއިން ކޮންމެ މަހަކު ހޮވާ ނަސީބުވެރި ފަރާތަތަކަށް މެލޭޝިޔާ ދަތުރެއް ދެއެވެ. މި ޕްރޮމޯޝަންގައި ބައިވެރިވުމަށް އެމްފައިސާ ބޭނުންކޮށްގެން ކަރަންޓު ބިލު، ފެންބިލު، ސުޕާނެޓް އަދި ފޯނު ބިލުވެސް ދެއްކޭނެއެވެ.
