ޓީ ޖެޓީ އަލިފާން: އަލިފާން ކޮންޓްރޯލް ވެއްޖެ

އަލިފާން ރޯވި ސަރަހައްދަށް ވަޑައިގެން ފުލުހުންނާއި ސިފައިންގެ މަސައްކަތަށް ރައީސް ސޯލިހް ތައުރީފު ކުރައްވައިފި

އަލިފާން ރޯވި ސަރަހައްދަށް ރައީސް އިބްރާހިމް މުހައްމަދު ސޯލިހާއި، ސަރުކާރުގެ ބައެއް ވަޒީރުން ވަޑައިގެންފި

މިހާރު ރޯވެފައިވަނީ ބައުޒަރުގެ ޓޭންކުތެރެއިން. އެ އަލިފާން ބޭރަށް ނިކުންނަނީ ބައުޒަރުގެ ހޮޅިން ކަމަށް އެ ސަރަހައްދުގައި ހަރަކާތްތެރިވާ ދަ ޕްރެސްގެ ނޫސްވެރިޔާ މައުލޫމާތުދޭ

އަލިފާނުގެ ހާދިސާއާ ގުޅިގެން އެއްވެސް މީހަކު އަދި ހައްޔަރެއް ނުކުރޭ

މިހާރު ފަރުވާދެމުންދާ މީހުންގެ އަދަދު 8 އަށް އަރައިފި

އިތުރު ބައުޒަރެއްގައި ރޯވެ އަނދަމުންދާ ކަމަށް ޓީ ޖެޓީ ސަރަހައްދުގައި ހަރަކާތްތެރިވަމުންދާ ދަ ޕްރެސްގެ ނޫސްވެރިޔާ މައުލޫމާތުދޭ. އެޗްއެމްއެޗްއައި ގެ ތެޔޮ ބައުޒަރެއްގައި ރޯވެފައި މިވަނީ އަލިފާންގަނޑުގެ 90 ޕަސެންޓް ކޮންޓްރޯލް ކުރެވިފައިވަނިކޮށް

އަލިފާން ރޯވި ލޯންޗުގެ ބޮޑުބައި މިހާރު ވަނީ ފަޅު ތެރެއަށް އަޑިއަށް ގޮސްފައި

ފުރަތަމަ އަލިފާން ރޯވެފައިވަނީ އއ. އުކުޅަސް "ނެވި 3" ނަމަކަށް ކިޔާ ސްޕީޑް ލޯންޗެއްގައި ކަމަށް މައުލޫމާތުލިބޭ

އަލިފާނުގެ 90 ޕަސެންޓް ކޮންޓްރޯލް ކުރެވިއްޖެ

ޓީ ޖެޓީ ސަރަހައްދުގައި ހުރި ތެޔޮ ބައުޒަރުތައް އެހެން ސަރަހައްދުތަކަށް ގެންދެވިފައި ވިޔަސް އެތަކެތި ބަލަހައްޓާނެ މީހަކު ނެތި، ޕާކް ކޮށްފައި ނުބޭއްވުމަށް އެދިއްޖެ

ފަޔާ ލޯންޗް ވެސް ދަނީ އަލިފާން ކޮންޓްރޯލް ކުރުމަށް ޓީ ޖެޓީ ސަރަހައްދު ފަޅު ތެރޭގައި ހަރަކާތްތެރިވަމުން

މިހާދިސާގައި ފިހިފައިވާ މީހެއް

ފުރަތަމަ އަލިފާން ރޯވި ލޯންޗުން އަލިފާން ގަނޑު ކޮންޓްރޯލް ކުރެވިއްޖެ

ބައުޒަރުގެ ޓޭންކުން ތެޔޮ ލީކްވެ، ބިންމަތީގައި ވެސް އަލިފާން ހިފަން ފަށައިފި

މިހާދިސާގައި އަނިޔާވި 5 މީހުން ވަނީ އައިޖީއެމްއެޗަށް ގެންގޮސްފައި. އޭގެ ތެރެއިން އެކަކު ވަރަށް ބޮޑަށް ފިހިފައިވާ ކަމަށް މައުލޫމާތު ލިބޭ

އަލިފާންގަނޑު ކޮންޓްރޯލް ނުވެ ދަނީ ފެތުރެމުން

އަލިފާން ނިއްވުމަށް ފޯމް ބޭނުން ކުރަމުން ދަނީ: އެމްއެންޑީއެފް

އެއް ބައުޒަރުގެ ގެގަނޑުގައި ރޯވެފައިވާއިރު، އަނެއް ބައުޒަރުގެ ރޯވެފައިވަނީ ޓޭންކުގައި

ރޯވި ލޯންޗް މިހާރު ވަނީ ދުރަށް ގެންގޮސްފައި: އެމްއެންޑީއެފް

އަލިފާނުގެ ހާދިސާ ހިނގައިގެން އުޅޭ ސަރަހައްދަށް ގިނަ އަދަދެއްގެ އާންމުން ދަނީ އެއްވަމުން

ރޯވެފައިވަނީ ލޯންޗަކާއި ތެޔޮ ބައުޒަރެއްގައި ރޯވެފައިވާ ކަމުގެ މައުލޫމާތު ލިބިފައިވަނީ މިއަދު 15:40 ހާއިރު: ފުލުހުން

ޓީ ޖެޓީގައި ރޯ ވުމުގެ ސަބަބުން އާންމުންގެ އެހީ އާއި އެކު ބައުޒަރުތައް ދަނީ ދުރައްޖައްސަމުން