ސައިިރިކްސް ކޮލެޖުން ސައިކޮލެޖީ ދާއިރާއިން ޑިގްރީ ޕްރޮގްރާމެއް ތައާރަފްކޮށް އެ ޕްރޮގްރާމްގައި ބައިވެރިވުމުގެ ފުރުސަތު ހުޅުވާލައިފިއެވެ.
ސައިރިކްސް ކޮލެޖުން ފެށި ސައިކޮލަޖީގެ ޑިގްރީ ޕްރޮގްރާމަކީ ރާއްޖޭގެ ކޮލިފިކޭޝަން އޮތޯރިޓީ (އެމްކިއުއޭ) އަދި އެލައިޑް ހެލްތު ކައުންސިލްއިން އެޕްރޫވްކޮށް ހިންގާ ޕްރޮގްރާމެކެވެ. އަދި އަންނަ މަހު އެ ޕްރޮގްރާމް ފެށުމަށް ތައްޔާރުވަމުން އަންނަ ކަމަށް އެ ކޮލެޖުން ބުނެއެވެ.
އެ ކޯހަށް ކުރިމަތިލުމުގެ ޝަރުތުތަކުގެ ތެރޭގައި އޭ ލެވަލް ދެ މާއްދާއިން ފާސްވުން ނުވަތަ އޯ ލެވެލް ނިންމައި ސެޓްފިކެޓް 4 ސައިކޮލަޖީއާ ގުޅޭ ދާއިރާއިން ހާސިލްކޮށްފައިވުން ހިމެނެއެވެ. ނުވަތަ ސައިކޮލެޖީ ދާއިރާއިން މަސައްކަތުގެ ތަޖުރިބާ ލިބިފައި ހުރި މިންވަރަށް ބެލުމަށްފަހު ވެސް ކޯހުން ޖާގަ ލިބޭނެކަމަށް ސައިރިކްސް އިން ބުނެއެވެ.
ތިން އަަހަރުގެ މި ޕްރޮގްރާމުގައި ތަފާތު މޮޑިއުލްތައް ކިޔަވައިދިނުމަށް ވަނީ ހަމަޖެހިފައެވެ. އަދި މި ޕްރިގްރާމް ހަދައިގެން ހަތް ދާއިރާއަކުން ކުރިއަށްދެވޭނެކަމަށް އެ ކޮލެޖުން ބުނެއެވެ. އަދި މިއީ ހިލޭ ޑިގްރީ ޕްރޮގްރާމްގެ ދަށުން ކިޔެވޭ ޕްރޮގްރާމެއް ކަމަށް ސައިރިކްސް އިން ބުނެއެވެ.
