މާލޭގެ އެކި ތަންތަނުގައި ހުރި ކެމިކަލް ގުދަންތައް ބަލައި ފާސްކުރުމުގެ މަސައްކަތް އެމްއެންޑީއެފުން ފަށައިފިއެެވެ.
ރައީސް އޮފީހުގައި އިއްޔެ ބޭއްވި ނޫސްެރިންގެ ބައްދަލުވުމުގައި އެމްއެންޑީއެފުން ވަނީ މާލޭގެ އެކި ސަރަހައްދުތަކުގައި 126 ކެމިކަލް ގުދަން ހުރިކަން ހާމަކޮށްފައެވެ. އަދި އެ ގުދަންތައް މިއަދު ބަލާ ފާސްކުރުމުގެ މަސައްކަތް ފަށާފައިވާ ކަމަށް އެމްއެންޑީއެފުން ވަނީ ބުނެފައެވެ.
މާލޭގެ އެކި ސަރަހައްދުތަކުގައި 126 ކެމިކަލް ގުދަން ހުރި އިރު އޭގެ ތެރެއިން 82 ގުދަނަކީ މީހުން ދިރިއުޅޭ ގެތަކުގައި ހަދާފައިވާ ގުދަން ކަމަށެވެ.
ހުކުރު ދުވަހުގެ ރޭ ހ. ތިލަފުށީގޭގެ ގުދަނުގައި ހިނގި އަލިފާނުގެ ހާދިސާގައި އެކަކު މަރުވެ، ހަ ގެއަކާއި ހަތަރު ގުދަނެއް ވަނީ އެއްކޮށް އަނދާފައެވެ.
އަލިފާނުގެ ހާދިސާއާ ގުޅިގެން ހާލުގައި ޖެހިގެން މިހާތަނަށް 562 މީހުން ވަނީ ހާލުގަ ޖެހިގެން ރަޖިސްޓްރީ ކޮށްފައެވެ. އަދި 247 މީހަކަށް މިހާތަނަށް ވަނީ ވަހުތީ ބޯހިޔާވަހިކަން ފޯރުކޯށްދީފައެވެ.
