ހެންވޭރު ބޮޑުއަލިފާން: އެކަކު ނިޔާވެ، 10 ތަނެއް އަނދައި ހުލި

އަލިފާން ނިއްވި ސަރަހައްދުން މީހަކު އޭޑީކޭއަށް ގެންގޮސްސި

ތާށިވެފައި ތިބި 6 މީހުން ސަލާމަތްކޮށްފައިވޭ

އެމްއެންޑީއެފުން ބުނީ މިއީ ކާކުގެ ހަށިގަނޑެއް ކަން ކަށަވަރު ނުވާކަމަށް. ނަމަވެސް ޝައުނާ ނޫން އެހެން މީހަކު ގެއްލިގެން ރިޕޯޓް ކޮށްފައި ނުވާ ކަމަށް.

އެމްއެންޑީއެފުން އައިފަހުން ރޯވެފައި ހުރި ގެތައް ނޫން އެހެން ގެއެއްގައި ރޯނުވޭ! އެކަން ޔަގީން

ހަށިގަނޑު ފެނުނީ، 2 ފަހަރު ބަލާ ޗެކްކޮށްގެން

އިތުރު މީހަކު މަދުވާ ކަމަކަށް ގަބޫލެއް ނުކުރޭ. ހުރިހާ އިމާރާތެއް ވަނީ ވަރަށް ރަނގަޅަށް ބަލާ ފާސްކޮށްފައި

އެމްއެންޑީއެފްގެ 12 ވެހިކަލް، އެމްއޭސީއެލް އަދި ރެޑް ކްރެސެންޓް، ޕޮލިސް އަދި އާންމުން އަލިފާން ނިއްވުމުގައި ހަރަކާތްތެރިވި. އެމްއެންޑީއެފުން އެމީހުންނަށް ޝުކުރު އަދާކުރޭ

ގުދަނުން އަލިފާން ނިއްލެވުނީ ދާދި ދެންމެ

4 ކެމިކަލް ގުދަން އަދި 6 ގޭގައި ވަރަށް ބޮޑަށް ރޯވި

ހ. ފެހި އާބާދުގޭގެ ދޮރުތާށީ ވުމުގެ ސަބަބުން މީހުން ނެރުމަށް ލަސްވި

އަލިފާން ނިއްވުމުގެ މަސައްކަތް ނުފެށީ ގިނައިރުވީ ގޯޅިތެރޭގައި ގިނަ ވެހިކަލްތަކެއް ޕާކް ކޮށްފައި ހުރުމުން

ފަސްޓް ލޭޑީ ފަޒްނާ އަހްމަދު ދަނީ ވަގުތީ ހިޔާގައި ހަރަކާތްތެރިވަމުން

މިރޭ ރޯވި ފެހިއާބާދުގެއާއި ޖެހިގެން ހުރި އިމާރާތުގައި ރޯވި އަލިފާންގަނޑު ނިއްވުމަށް ފޯމް ޖަހަން ފަށައިފި

މިއަދުގެ އަލިފާނުގެ ހާދިސާއާއި ގުޅިގެން އައިޖީއެމްއެޗް ގައި މިހާރު 10 މީހުންނަށް ފަރުވާދެމުން އެބަދޭ. އަދި ކަލާފާނު ސްކޫލް ގައި އައިޖީއެމްއެޗް ގެ އިމަޖެންސީ މެޑިކަލް ޓީމެއްވެސް ހަރަކާތްރެރިވަމުން އެބަދޭ.

ވަގުތީ ހިޔާގައި ތިބި 30 އެއްހާ ބިދޭސީންނަށް، އެމީހުން މަސައްކަތްކުރާ ކުންފުނިން ރައްކާތެރިކަން ދީފި

ކަލާފާނު ސްކޫލުގައި ހުރި ވަގުތީ ހިޔަގައި ގިނަ އަދަދެއްގެ ޒުވާން އަންހެން އަދި ފިރިހެން ކުދިން ވޮލެންޓިއަރުންގެ ގޮތުގައި ހަރަކާތްތެރިވަމުން ދަނީ.

ވަގުތީ ހިޔާގައި ގިނަ އަދަދެއްގެ ބިދޭސީން ވެސް ވަނީ ރަޖިސްޓްރީ ކޮށްފައި

ޝައުނާ ދިރިއުޅެމުން ދިޔައީ މިރޭ އަލިފާނުގެ ހާދިސާ ހިނގި ހ. ފެހިއާބާދުގޭގެ ތިންވަނަ ފަންގިފިލާގައި ކަމަށް މައުލޫމާތު ލިބިއްޖެ. އަދި އެގޭގައި ރޯވުމުން ނުކުމެވޭނެ އެއްވެސް ގޮތެއް ނެތްކަމަށް އޭނާ އާއިލާއަށް ގުޅާފައި ބުނި ކަމަށް ވެސް މައުލޫމާތު ލިބޭ. 

ސަލާމަތީ ސަބަބު ތަކަށް ހެންވޭރުގެ ބައެއް ސަރަހައްދުން ކަރަންޓު ކަނޑާލައިފި

މިރޭ އަލިފާނުގެ ހާދިސާ ހިނގި ގުދަން ކައިރީގައި ހުރި 4 ބުރި އިމާރާތެއްގައި އަލިފާން ރޯވެ އަނދަން ފަށައިފިއެވެ. އެ އިމާރާތުގެ އެންމެ މަތީ ބުރިޔާއި ތިރީ ބުރީގައި އަލިފާން ރޯވެފައިވާ ކަމަށް މައުލޫމާތު ލިބެއެވެ. 

ގެއްލިގެން ހޯދާ ޝައުނާ ނަމަކަށް ކިޔާ އަންހެން މީހާ އަކީ 46 އަހަރުގެ މީހެއް. އޭނާގެ އަކީ ހ. ފެހިއާބާދުގޭގައި ދިރިއުޅޭ މީހެއް. ޝައުނާ ނޫން އެހެން އެންމެން ވަނީ ސަލާމަތްތެރި ސަރަހައްދަށް ގެންގޮސްފައި

އަލިފާން މިހާރު ވަނީ 90 ޕަސެންޓް ކޮންޓްރޯލް ކުރެވިފައި

ގެއްލުނު އަންހެން މީހާ ހޯދުމަށް ފަޔާ ޓީމުން ދަނީ އެގެ ބަލަމުން، އަދި ހޮސްޕިޓަލަށް ގެންދިޔަތޯ ވެސް ދަނީ ބަލަމުން: އެމްއެންޑީއެފް

ހާލުގައި ޖެހިފައިވާ މީހުންނަށް މިހާރު ބޭނުންވަނީ ބާލީހާއި ގޮދަޑި

ސަރުކާރުގެ ގިނަ އިސްވެރިން ކަލާފާނުގައި ހަރަކާތްތެރި ވަމުންދަނީ، އޭގެ ތެރޭގައި، ހެރިޓޭޖް މިނިސްޓަރު، އެޑިއުކޭޝަން މިނިސްޓަރު، ނައިބު ރައީސް އަދި ރައީސް ސޯލިހް ވެސް ހިމެނޭ

އަލިފާނުގެ ހާދިސާ ހިނގި ސަރަހަދުން އަންހެނަކު ގެއްލިގެން ހޯދަނީ: ރައީސް ސޯލިހް

މިހާތަނަށް އަލިފާނުގެ އަސަރުކޮށްފައިވަނީ 7 ގެއަކަށް: އެމްއެންޑީއެފް

ކަލާފާނު ސްކޫލުގައި މިވަގު ވަނީ ވަގުތީ ހިޔާ ގާއިމުކުރެވިފައިވާއިރު ވަގުތީ ހިޔާގައި މިވަގުތު 100 އަށް ވުރެ ގިނަ މީހުން އެބަތިބި. އެފަރާތްތަކަށް ބޭނުންވާ ފެނާއި ކާނާ ވަނީ ހަމަޖެހިފައި.

ގުދަންތައް މީހުން ނޫޅޭ ސަރަހައްދަށް ބަދަލުކުރުމަށް އަވަސް ފިޔަވަޅުތައް އަޅުއްވާނެ ކަމަށް ރައީސް ސޯލިވް ވިދާޅުވި، އެގޮތުން ގުޅިފަޅަށް ނުވަތަ ތިލަފުއްޓަށް ގުދަންތައް ބައްދަލު ކުރަން ފެށޭނެ ކަމަށް ވިދާޅުވި