މަޝްހޫރުކަމާ ގުޅިގެން ކުރިމަތިލާންޖެހުނު ކަންކަމުގައި ނުރަނގަޅު ނިންމުންތަކެއް ނިންމާ، ގޯސްތަކެއް ހެދިފައިވާކަމަށް ކެނެޑާއަށް އުފަން ޒުވާން ލަވަކިއުންތެރިޔާ ޖަސްޓިން ބީބާ (ޖޭބީ) އިއުތިރާފުވެއްޖެއެވެ.
އޭނާގެ ފޭނުންނަށް ދިން މާނަ ފުން މެސެޖެއްގައި ޖޭބީ ވަނީ މަޝްހޫރުކަމާ ސަމާލުކަމުގެ ތެރޭގައި ބޮޑުވަމުން އައިއިރު މަސްތުވާތަކެތީގެ އަވާގައިވެސް އޭނާ ޖެހުނު ކަމަށް އިއުތިރާފުވެފައެވެ.
އިންސްޓަގްރާމްގައި އާންމުކުރި ދިގު ޕޯސްޓެއްގައި ޖޭބީ ވަނީ، ޅައުމުރުގައި މަގުބޫލު ތަރިންނަށް ވާ ކުދިން ބޮޑުވެގެން އަންނައިރު އެކުދިންނަށް ކުރިމަތިލާންޖެހޭ ކަންތައްތަކުގެ ވާހަކަތަކާ އެ އިހުސާސްތައް އޭނާގެ ފޭނުންނަށް ކިޔައިދީފައެވެ.
މިފަދަ ގޮތަކަށް ބޮޑުވަމުން އަންނައިރު ސަބަބެއް ކަނޑައެޅިގެން ބަޔާންކޮށްދެވެން ނެތް ކިތަންމެ ގޮތަކަށް އުޅެވިފައި ހުންނާނެ ކަމަށްވެސް ޖޭބީވެސް ވަނީ އިއުތިރާފުވެފައެވެ.
