ރިޟްވާން ގެއްލުވާލި މީހުން ހޯދިއްޖެ: ސުއޫދު

ޕްރެސް ކޮންފަރެންސް ނިންމާލައިފި

ރިލްވާން ސީރިއާއަށް ގޮސް މަރުވެފައިވާކަން ދައްކަން ފުލުހުންގެ ތެރެއިން މަސައްކަތްކޮށްފައިވޭ. ޕޮލިސް އިންޓެލްގެ ދެ މީހަކު އޭރުގެ އިމިގްރޭޝަން ކޮންޓްރޯލަރު ހަސަން އަލީ އާ ބައްދަލުކޮށް އެކަމަށް މަޝްވަރާކުރި. ހަސަން އަލީ ވަނީ އެކަމަށް ބަޔާނެއް ވެސް ދެއްވާފައި. އަދި އޭގެ ފަހުން ރިލްވާންގެ ޕާސްޕޯޓް ކޮޕީއެއް ހޯދަން ކުރީގެ ނައިބު ރައީސް އަދީބު މަސައްކަތްކުރެއްވި ކަމަށް އެނގިފައިވޭ.

މި މައްސަލައިގައި ހިމެނޭ 2 މީހެއްގެ ޕާސްޕޯޓް ވަނީ ހިފަހެއްޓިފައި

ރިޟްވާންގެ މަރުގެ މައްސަލައިގައި ކުރީގެ ރައީސް އަބްދުﷲ ޔާމީންގެ މައްޗަށް ދައުވާއެއް ނުކުރެވޭނެ. އެއީ އެމަނިކުފާނު އަމަލީގޮތުން މިކަމުގައި ބައިވެރިނުވާތީ.

އަދީބު ވެސް ވަނީ ރިޟްވާނުގެ ޕާސްޕޯޓް ކޮޕީއެއް ހޯދަން މަސައްކަތްކޮށްފައި.

ޓީސީ މުނާޒު 'މުނާއްކޮ' އަދީބަށް ފޮނުވި މެސެޖެއްގައިވޭ ކޮންމެވެސް މީހަކު ދޫކޮށްލަން ގެންދަނީ އޭ. ދޫކޮށްލާށޭ. އެ މެސެޖު އަދީބު ފޮނުވީ ގާޒީ އަބްދުﷲ ދީދީއަށް. ދެން އޭނާ ވަނޫ ދޫކޮށްފައި.

މި ހެކިން އަދުލު އިންސާފު ގާއިމް ކުރުމަށް ހުރަސް އެޅުމުގެ ދައުވާ އަދީބާއި، ދެ އިންޓެލް އޮފިސަރުންނަށް ކުރެވޭނެ. މިކަމާ ގުޅޭ ގޮތުން ޕީޖީއާ މަޝްވަރާ ކުރަމުން ގެންދާނަން ދައުވާ ކުރުމަށް.

ފުލުހުން ގަސްތުގައި ފަރުވާ ކުޑަ ކުރި ކަމަށް ގަބޫލެއް ނުކުރެވޭ މުޅިއަކުންނެއް. ކުރިން ވެސް ބުނިހެން މިމީހުން އޮޕަރޭޓް ކުރަނީ ސެލްތަކެއް ހެން.

ރިލްވާންގެ ތަހުގީގު ޑައިވާޓްކުރަން ކުރީގެ ރައީސް އަބްދުﷲ ޔާމީން މަސައްކަތްކުރައްވާފައިވާ ކަމަށާއި އެގޮތުން، ފަންޑިތަ ހަދައި، އޭނާ ހޯދަން ކަމަށް ބުނެ މާފަންނު ގެޔަކަށާއި ވިލިމާލެ އަށް ދަންވަރު ވަގުތު ފުލުހުން ފޮނުވާފައިވާ ކަމަށް.

ރިޟްވާންގެ މައްސަލަ ބެލުމުގައި ފުލުހުންނަށް ލިބިފައިހުރި އިންޓެލް މައުލޫމާތަށް ފަރުވާކުޑަކޮށްފައިވޭ. 

ރިޟްވާން ރާއްޖެއިން ބޭރުގައި ހަނގުރާމަކުރުަމުންދަނިކޮށް މަރުވިކަމަށް ދައްކުވައިދިނުމަށް އޭނާގެ ޕާސްޕޯޓުގެ ކޮޕީއެއް ހޯދަން ކޮންޓްރޯލާ އޮފް އިމިގްރޭޝަން ކައިރިއަށްދިޔަ. 

ރިޟްވާން މަރާލީ ޝަހާދަތް ލައިދިނުމަށްފަހުގައި. އަދި ގައިގައި ދާ އެޅުވުމަށްފަހު ކަނޑު ފައްތާލާފައިވޭ. 

ރިޟްވާން ގަދަކަމުން ކާރަށް އަރުގައިވައިގެން ގެންގޮސް އެރުވީ ޑިންގީއަކަށް، އެއަށްފަހު ކަނޑުގައި އޮތް އުޅަނދަކަށް ރިޟްވާން އެރުވުމަށްފަހު އޭނާ ވަނީ މަރާލާފައި. 

ރިޟްވާން މަރާލުމުގައި އާލިފް ރައޫފް އަމަލީ ގޮތުން ބައިވެރިވެފައިވޭ. އަދި ރިޟްވާން އެރުވި އުޅަނދުގެ މައުލޫމާތާއި އެ އުޅަނދުގެ ވެރިފަރާތް ވަނީ ހޯދިފައި. 

ރިޟްވާން މަރާލީ ކަނޑުމައްޗަށް ގެންގޮސްގެން

މިހާތަނަށް ހޯދިފައިވާ ނަތީޖާއަކީ (3 މީހުން ހެކިބަސް ދީފައިވޭ) 

- މަރެއް ސާބިތުކުރުމަށް ހެކިބަސް ލިބފިައިވޭ. 

-ރަތް ކާރަށް އެރުވި އިރު ކާރު ކުރީގައި ދެ މީހުން ތިބި ( އާލިފް ރައޫފް، އަދި އިތުރު މީހަކު) 

ރަތް ކާރުން ފެނުނު އިސްތަށިގެ ޑީއެންއޭ، ރިޟްވާންގެ މަންމަގެ ޑީއެންއޭ އަދި ރިޟްވާގެ ފާހާނާ ތެރެއިން ފެނުނު ދަތްއުނގުޅާ ބުރުހުން ފެނުނު ޑީއެންއާ ދިމާވޭ. 

ރިޟްވާަން އެރުވި ކާރަކީ، މި މައްސަލައިގައި ހިމެނެ ކާރުގެ ވެރިޔާ އާލިފް ރައޫފް ކަމަށް ޔަގީންވޭ. 

ހުޅުމާލެ 21 ނަންބަރު ފުލެޓް ކައިރިން ރަތް ކާރަށް އެރުވީ އަހުމަދު ރިޟްވާންކަން ކަށަވަރު ކުރެވޭ. 

ރިޟްވާން ގެއްލުވާލި ރޭގައި ރަތްކުލައިގެ ކާރަކަށް މީހަކު ގަދަކަމުން އެރުވިކަމަށް 4 މީހަކު ހެކިބަސްދީފައިވޭ. އަދި ވޭނުގެ ހަޅޭކެއް 6 މީހުންނަށް އިވުނު ކަމަަށް ކޮމިޝަނަށް ވަނީ މައުލޫމާތު ދީފައި. 

ރިޟްވާންގެ މައްސަލައިގައި ގާޒީ ވިދާޅުވެފައިވަނީ ރިޟްވާން ހުޅުމާލެ ދިޔަކަން ސާބިތު ނުވާކަމަށް. ނަމަވެސް ސުއޫދު ވިދާޅުވީ ރިޟްވާން ހުޅުމާލެ ދިޔަކަން އޭނާއެކު އޭނާ ދިޔަ ފެރީގައި އިން ރައްޓެއްސަކު އަދި ހުޅުމާލެއަށް ދިއުމުން އޭނާގެ މޯބައިލް ފޯނަށް ޕިންގް ވިކަން ހާމަވާކަމަށް. 

7 އޮގަސްޓް 2014 ގައި ދެ މީހަކު 2 ގަޑިއިރު ވަންދެން (މުހައްމަދު ހާމިދު އަދި ސުވައިދު) މީހަކަށް ފާރުލާތަން ފެނޭ. މި ދެމީހުން ސީރިއާ ދިޔަ.

މިޝަންއެއް އެކުލަވާލުމަށްފަހު ސެލްތަަކަށް ބަހާލާފައިވަނީ. އެއީ ފާރަލުން، މެރުން، ފައިނޭންސް ކުރުން. އެހެންކަމުން ރިޟްވާން އަދި ޔާމީންގެ މައްސަލައިގައި އަތުލައިގަނެވުނީ އެންމެ ސެލްއެއް. އެހެންކަމުން މިކަމަށް ފަންޑު ކުރާ އަދި މިކަމުގައި ބައިވެރިވާ އެހެން ސެލްތަކެއް އަތުލައި ނުގަނެވޭ. 

ޔާމީން ރަޝީދުގެ މަރުގެ މައްސަލައިގައި ހިމެނޭ މީހުންނަކީ ޖަމާއަތްތަކުން ކަންކަން ކުރުމަށް ބޭނުން ކުރާ ސެލްތަކުގައި ހިމެނޭ މީހުން. އެމީހުންނަކީ މި ސެލްތަކުގެ ތެރެއިން ސެލްއެއް. ސެލްއެއްގައި ހަ މީހުން ވަރު އުޅޭ. 

ޖަމާއަތްތަކުން ހޯދާ ފައިސާ، ރާއްޖެއިން ބޭރަށް ފޮނުވާ މީހާގެ މައުލޫމާތު ކޮމިޝަނަށް ލިބިފައިވޭ.

ޖަމާއަތަށް ލިބޭ އާމްދަނީ ބަހަނީ ފަސް ބަޔަކަށް

އައިއެސްގެ މީހުން ރާއްޖޭގައި ހިނގި ބޮޑެތި ވައްކަމުގައި ބައިވެރިވެފައިވޭ. 

މި ޖަމާއަތަށް ފަންޑު ކުރުމަށް ރާއްޖޭގައި ވިޔަފާރި ހިންގާ. އޭގެ ތެރޭގައި ފިހާރަ، ހޮޓާ، ރެސްޓޯރެންޓް، ކަންނެލި މަސްވެރިކަން އަދި ލަނޑާގެ މަސްވެރިކަން ކުރޭ. 

މި ޖަމާއަތުން ރާއްޖެއިން މީހުން ރެކްރޫޓްކުރަނީ އެކަނި އުޅޭ ކުދިންނާ މަގުމަތިން ބައްދަލުކޮށް ނަސޭހަތްދީ އެމީހުންގެ ފިކުރުގެ ތެރެއަށް ވައްދައިގެން. އެމީހުން ތިބެނީ ދީނީ މީހުންގެ ސިފައިގައި ފެރާން ކޮށްގެން.

މި ޖަމާއަތަކީ ކުރިން ސުރެ އޮންނަ ޖަމާއަތެއް. ހިމަންދޫ ހާދިސާ އަދި ސަލްޓަން ޕާކް ގޮއްވުން މި ޖަމާއަތާ ގުޅިފައިވާ. އެމީހުން އަލްގައިދާ އާ ގުޅުން ގާއިމް ކުރި އަދި ރާއްޖޭގައި އެމީހުންގެ މީހުން އުޅުނު. ރާއްޖޭގައި އުޅުނު ގްރޫއްޕު ދެ ޖަމާއަތަށް ބެހިގެން ދިޔަ. އެއް ގްރޫޕަކީ އަލްގައިދާ އަދި އައިސިސް.

މ. ޖޯޖިއާ ޔާމިން ނައީމް އަކީ އަބޫދުޖާނާ ކަމަށް ބެލެވޭ. އަދި އޭނާގެ ވަނަރެއް ސިދާ ބިލާދުއްޝާމުން އަދި އައިސްއިން ވެސް ހާމައެއް ނުކުރޭ. 

ރިޟްވާަނަށް މަރުގެ އިންޒާރު ދިނީ އައިސިސް ޖަމާއަތުން ކަމަށް ތަހުގީގަށް ފާހަގަ ކުރެވުނު. މި އިންޒާރު ދެވުނީ ފޭސްބުކު މެސެޖް މެދުވެރިކޮށް.

ބިލާދުއްޝާމް މީޑިއާއިން ރިޟްވާނާ ވާހަކަދެއްކީ އެފްބީ މެދުވެރިކޮށް. އަބޫދުޖާނާ ކިޔާ މީހަކު ރިޟްވާނާ ވާހަކ ދެއްކި އިރު، ސިރިއާގައި ތިބި ދިވެހިންގެ މައުލޫމާތު ހާމަކޮށް އެ ހަބަރު ފަތުރަނީ ރިޟްވާން ކަމާ، ރިޟްވާނަކީ އެއްވެސް ދީނެއް ގަބޫލްކުރާ މީހެއް ނޫންކަމަށް އަބޫދުޖާނާ ބުނެފައިވޭ.

ޝަރީއާ ފޯ މޯލްޑިވްސްގެ ޓްވިޓާ އެކައުންޓުން ވަނީ ދީނަށް ފުރައްސާރަ ކުރާ މީހުންނާ ދެކޮޅަށް ހަނގުރާމައެއް ކުރަމުންދާ ކަމަށް ބުނެފައި. އެއީ 2014 ގެ ޖުލައި މަހުގައި ކުރި ޓްވީޓެއް.

މި ހަރުކަށި ޖަމާއަތާ ގުޅުން އޮންނަ ސީރިއާގައި ހަރަކާތްތެރިވާ ދިވެހިން ބޭނުންކުރަނީ ބިލާދުއްޝާމް މީޑިއާ.

އެފަރާތުން ރިޟްވާނާ މުއާމަލާތްކޮށްފައިވާކަން ތަހުގީގަށް ހާމަވި.

ދީނީ ހަރުކަށި ޖަމާއަތުގެ މީހުން ރާއްޖޭގައި ހަނގުރާމަކުރުމަށް ބޭރު މީހުން ރެކްރޫޓްކޮށް އަދި ސީރިއާއަށް ފޮނުވަމުން ދިޔަ. އަދި ސީރިއާއަށް ފޮނުވާ ހަނގުރާމަވެރިންނާ ގުޅުވަމުން ދިޔަ. މި ޖަމާއަތުން ރާއްޖޭގައި ސޯޝަލް މީޑިއާގައި ހަބަރު ފެތުރުމަށް އެކައުންޓްތައް ބޭނުން ކުރި.

ޝަރީއާ މޯލްޑިވްސް އަކީ އެމީހުން ބޭނުންކުރި އެކައުންޓެއް.

މާލޭގައި އައިސްގެ ދިދަ ހިފައިގެން އުޅުނީ ހަރުކަށި ޖަމާއަތުގެ މީހުން. އެމީހުންނާ އައިސްއާ ގުޅުންއޮވޭ. 

ރާއްޖޭގައި ހިންގާފައިވާ ބޮޑެތި ބައެއް މައްސަލަތައް ގުޅިފައި ވަނީ ހަރުކަށި "ޖިހާދީ ފިކުރުގެ" ގްރޫޕަކާ. އެމީހުން ވަނީ މިހާރު ރާއްޖެއިން ބޭރަށް ފުރައިގެން ސީރިއާއަށް ގޮސްފައި.

ރާއްޖޭގައި ހަރުކަށި ޖިހާދީ ޖަމާއަތުގެ ބަޔަކު އުޅެފައިވޭ. އެ ޖަމާއަތުން ވަކި ބަޔަކަށް ޓާގެޓްކޮށް މަރާލަން މަސައްކަތްކުރި. އެމީހުން މަރާލަން ރޭވި މީހުންގެ ތެރޭގައި ނޫސްވެރިޔާ އަހުމަަދު ރިޟްވާން، ބްލޮގަރު ޔާމީން ރަޝީދު އަދި ބްލޮގަރު ހިއްލަތު ހިމެނޭ. 

އެމީހުން ކަންކަން ރާވަމުން ދަނީ ފުރުގާން މިސްކިތާއި ނޫރު މިސްކިތުގައި.