ރޭލު ސްޓޭޝަނެއްގައި އިނދެގެން ކިއާލި ލަވައަކުން ސޯޝަލް މީޑިއާއާއި ބޮލީވުޑްގެ ރާޑަރަށް އެރި ރާނޫ މަންދާލަށް، އިތުރު ތައާރަފަކަށް ނުވާ ސަލްމާން ހާން، ގެއެއް ގަނެދީފި ކަމުގެ ޚަބަރުތަކެއް ފެންމަތިވެއްޖެއެވެ.
ލިބެމުންދާ ޚަބަރުތަކަށް ބަލާއިރު 55 ލައްކަ ރުޕީޒްގެ އަގުހުރި މިގެ، ގަނެދީފައިވަނީ އިންޑިއާގެ ފިލްމް ސިޓީ މުމްބާއީއިންނެވެ.
ރާނޫގެ ހިތްގައިމު އަޑު ސަލްމާންއަށް އިންތިހާއަށް ކަމުގޮސް، ކުރިއަށް އޮތް "ދަބަންގް 3"އަށް ރާނޫގެ އަޑުން ލަވައެއް ރެކޯޑްކުރުވުމަށްވެސް ސަލްމާން ޝައުގުވެރިވާކަމުގެ ޚަބަރުތަކެއް ވަނީ ތިލަވެފައެވެ.
ކަންމިހެން އޮތް ނަމަވެސް، ސަލްމާންއާއި ގާތް މަސްދަރަކުން ވަނީ މި ޚަބަރުތައް ދޮގުކޮށްފައެވެ.
1972 ވަނަ އަހަރު ފިލްމް "ޝޯރު"އަށް ލަތާ މަންގޭޝްކަރު ކިޔާދީފައިވާ ހިތްގައިމު ލަވަ "އެކް ޕިޔާރު ކަ ނަގުމާ ހޭ"، ރޭލު ސްޓޭޝަނެއްގައި އިނދެގެން ކިޔާލަދިން ރާނޫ މަންދާލްއަށް ބޮލީވުޑްގެ ޕްލެޓްފޯމް މިހާރު ވަނީ ހިތަކަށް ލިބިފައެވެ.
ރާނޫ މަންދާލްގެ ""އެކް ޕިޔާރު ކަ ނަގުމާ ހޭ" ވާޝަން އިންޓަނެޓްގައި ވައިރަލްވެ، އެތައް ބައެއްގެ ސަމާލުކަން، ދުނިޔޭގެ އެކިކަންކޮޅުތަކުން އޭނާއަށް ހުއްޓިފައިވަނިކޮށް، ބޮލީވުޑްގެ އެކްޓާ އަދި މިއުޒިކް ކޮމްޕޯޒާ ހިމޭޝް ރޭޝަމިޔާ މިވަނީ ރާނޫ ލައްވާ ހިންދީ ފިލްމެއްގެ ލަވަ ރެކޯޑްކުރުވާފައެވެ.
