ޤުރުއާން ކިޔެވުމުގެ 33 ވަނަ ޤައުމީ މުބާރާތުގައި މިފަހަރު 1273 ދަރިވަރުން ބައިވެރިވާނެ ކަމަށާ، މިއީ މިހާތަނަށް ރާއްޖޭގައި ބޭއްވޭ އެންމެ ބައިވެރިން ގިނަ މުބާރާތް ކަމަށް އިސްލާމިކް މިނިސްޓްރީން ބުނެފި އެވެ.
މިނިސްޓްރީން ބުނީ މިއަހަރުގެ މުބާރާތް ކުރިއަށް ގެންދަނީ ތިން ބަޔަކަށް ބަހާލައިގެން ކަމަށާ، އޭގެ ތެރޭގައި ހިމެނެނީ އާންމު ފަރާތްތަކުގެ ބަޔާއި، ސުކޫލުތަކަށް ހާއްސަ ކުރެވިފައިވާ ބަޔާއި، ހާފިޒުންގެ ބައި ކަމަށް މިނިސްޓްރީން ބުނެއެވެ. އާންމު ބަައިގައި ސަރުކާރުގެ މުއައްސަސާތަކާއި، ކުންފުނިތަކާއި، ޖަމިއްޔާ ޖަމާއަތްތައް ބައިވެރިވާއިރު، ގުރުއާން ކްލާސްތަކާއި، ކޮލެޖު އަދި ޔުނިވާސިޓީތަކަަށް ވެސް ބައިވެރިވެވޭނެ ކަމަށް މިނިސްޓްރީން ބުނެއެވެ. އަދި ކުރީގެ އަހަރުތަކާ ހިލާފަށް މިއަހަރުގެ މުބާރާތުގައި ކުރާނީ އެންމެ ސުވާލުކަމަށްވެސް މިނިސްޓްރީން ބުނެއެވެ.
އިސްލާމިކް މިނިސްޓްރީން ބުނީ، ސުކޫލުތަކުގެ ބައިތައް ކުރިއަށް ގެންދާނީ ކީ ސްޓޭޖްތަކަކަށް ބަހާލައިގެން ކަމަށާއި، ހާފިޒުންގެ ބައިގައި ރާއްޖޭގެ ހުރިހާ ހާފިޒުންނަށްވެސް ބައިވެރިވެވޭނެ ކަމަށެވެ. އެގޮތުން ހާފިޒުންގެ ބައިގައި މުއައްސަސާތަކުން ބޭނުން އަދަދަކަށް ބައިވެރިވެވޭނެކަމަށާއި، އާންމު ބައިތަކަށް އަދަދުކުރެވިފައިވަނީ 12 ފަރާތަކަށް ކަމަށް މިނިސްޓްރީން ބުނެއެވެ.
މިއަހަރުގެ ގައުމީ މުބާރާތް ބާއްވަން ހަމަޖެހިފައިވަނީ ސެޕްޓެމްބަރު މަހުގެ އެއްވަނަ ދުވަހުއެވެ. މި މުބާރާތުގެ ކިޔެވުމުގެ ރިކޯޑިންގް ސެޕްޓެމްބަރު މަހުގެ ދެވަނަ ދުވަހުން ފެށިގެން ޓީވީ މެދުވެރިކޮށް ދައްކާނެކަމަށްވެސް މިނިސްޓްރީން ބުނެއެވެ.
ބަލާއިރު ދޮގަކަށް ވާނީ