ތައިލެންޑްގައި އޮންނަ ސިފައިންގެ ވެރިންގެ ކޮންފަރެންސްގައި ބައިވެރިވެވަޑައިގަތުމަށް ރާއްޖޭގެ ޗީފް އޮފް ޑިފެންސް ފޯސް މޭޖާ ޖެނެރަލް އަބްދުﷲ ޝަމާލް، މިއަދު ހެނދުނު ފުރާވަޑައިގެންފިއެވެ.
ތައިލެންޑްގެ ދަތުރަށް ފަހު ޝަމާލް ސްރީލަންކާއަށް ވެސް ވަޑައިގަތުމަށް ވަނީ ހަމަޖެހިފައެވެ.
އެމްއެންޑީއެފުން ބުނީ ޝާމާލް ކުރައްވާ ދަތުރުގައި ފުރަތަމަ ވަޑައިގެންނެވުމަށް ހަމަޖެހިފައި ވަނީ މިމަހު 26 ން 28 އަށް ތައިލެންޑުގައި ކުރިއަށް ގެންދިއުމަށް ހަމަޖެހިފައިވާ "ދަ އެނުއަލް ޗީފް އޮފް ޑިފެންސް ކޮންފަރެންސް" ގައި ބައިވެރިވެ ވަޑައިގަތުމަށް ކަމަށެވެ.
އަދި މިމަހު 29 އިން 30 އަށް ސްރީލަންކާގެ ކޮލޮމްބޯގައި ކުރިއަށް ގެންދިއުމަށް ހަމަޖެހިފައި ވާ "ދަ ކޮލޮމްބޯ ޑިފެންސް ސެމިނާ" ގައި ވެސް ޝަމާލް ބައިވެރިވެވަޑައިގަންނަވާނެ ކަމަށް ޑިފެންސް މިނިސްޓްރީން ބުނެއެވެ.
މި ރަސްމީ ދަތުރު ނިންމަވާލެއްވުމަށްފަ ހު ޗީފް އޮފް ޑިފެންސް ފޯސް ރާއްޖެ ވަޑައިގަތުމަށް ހަމަޖެހިފައި ވަނީ މިމަހު 31 ވަނަ ދުވަހުއެވެ.
