ވައިޓް ހައުސްގެ އިންޓާންއެއްގެ ގޮތުގައި މަސައްކަތްކުރަމުންދިޔަ މޮނިކާ ލުވިންސްކީއާއި އެމެރިކާގެ އޭރުގެ ރައީސް ބިލް ކްލިންޓަންއާއި ދެމެދު ހިނގާދިޔަ ކަމަށް ބުނާ ލޯބީގެ ކުޅިގަނޑުގެ ވާހަކައިގެ މައްޗަށް ބިނާކޮށް، ޑްރާމާއެއްގެ ސިފާގައި ޓީވީން ދުރަށް ދައްކާ ގޮތަށް ހަމަޖެހިއްޖެއެވެ.
ލޯބީގެ ކުޅިގަނޑުގެ ވާހަކައާއި، 1999 ވަނަ އަހަރު ކްލިންޓަން ޢަޒުލުކުރުމަށް ކުރެވިގެންދިޔަ މަސައްކަތްތަކުގެ ވާހަކަ ޓީވީ ޑްރާމާއެއްގެ ސިފާގައި ގެނެސްދިނުމަށް ހަމަޖެހިފައިވަނީ މަޝްހޫރު ސީރީޒް އެމެރިކަން ކްރައިމް ސްޓޯރީގެ އެޕިސޯޑްތަކެއްގެ ގޮތުގައެވެ.
2020 ވަނަ އަހަރު އެމެރިކާގައި އޮންނަ ރިޔާސީ އިންތިހާބާ ހަމައަށް މި އެޕިސޯޑްތައް ދެމިގެންދާނެ ކަމަށް މައުލޫމާތު ލިބެއެވެ.
އެމެރިކަން ކްރައިމް ސްޓޯރީގެ އެޕިސޯޑްތަކުގައި މިނިކާ ލުވިންސްކީގެ ރޯލުން ފެނިގެންދާނީ ބުކްސްމާޓްގެ އެކްޓްރެސް ބީނީ ފެލްޑްސްޓީންއެވެ. މޮނިކާ ލުވިންސްކީއާއި ކްލިންޓަންއާއި ދެމެދު ކުރެވޭ ޒާތީ ފޯނުކޯލު ރެކޯޑްކުރާ ސަރުކާރު މުވައްޒަފު – ލިންޑާ ޓްރިޕްގެ ރޯލުން ފެނިގެންދާނީ ސޭރާ ޕޯލްސަންއެވެ. މި އެޕިސޯޑްތަކުގައި ކުރީގެ ރައީސް ކްލިންޓަންގެ ރޯލުން ފެނިގެންދާނެ ތަރިއެއް އަދި ކަށަވަރުކުރެވިފައެއް ނުވެއެވެ.
ކްލިންޓަންއާއި ލުވިންސްކީގެ ޓީވީ ޑްރާމާ ތައްޔާރުކުރަމުންދަނީ، ޖޮފްރީ ޓޫބިން 2000 ވަނަ އަހަރު ލިޔުނު ފޮތެއްގެ މައްޗަށް ކަމަށް ޚަބަރު ލިބެއެވެ.
"އިމްޕީޗްމަންޓް: އެމެރިކަން ކްރައިމް ސްޓޯރީ" އާންމުކޮށް، ދައްކަން ފަށާނީ 2020 ވަނަ އަހަރުގެ ސެޕްޓެމްބަރު މަހުގެ 27 ވަނަ ދުވަހުއެވެ.
