ގިނަ ބައެއްގެ މެދުގައި ބޮޑު ހިޔާލު ތަފާތުވުންތަކެއް އުފެއްދި ޑްރާމާ ސީރީޒް "13 ރީޒަންސް ވައި" 4 ސީޒަނަށްފަހު ނިންމާލާނެކަމަށް ނެޓްފްލިކްސުން ބުނެފިއެވެ.
ނެޓްފްލިކްސުން މިކަން ހާމަކޮށްފައި މިވަނީ، "13 ރީޒަންސް ވައި"ގެ 3 ވަނަ ސީޒަން، މިމަހުގެ ފަހުކޮޅު ޕްރިމިއާ ކުރުމަށް ހަމަޖެހިފައިވާ ދަނޑިވަޅެއްގައެވެ.
ނެޓްފްލިކްސްގެ ތަރުޖަމާނަކު ބުނީ "13 ރީޒަންސް ވައި" ނިންމާލާނީ މައިގަނޑު ތަރިންގެ ގްރެޖުއޭޝަންއާއި ހިސާބުން ކަމަށާއި، އެއީ ވާހަކައެއް ނިންމާލަން ހަމަ އެންމެ ރަނގަޅު ހިސާބު ކަމަށެވެ.
"13 ރީޒަންސް ވައި" އަކީ އަމިއްލައަށް މަރުވުމަށް ހިތްވަރުދޭ ސީރީޒްއެއް ކަމަށް ބުނެ ނަފްސާނީ ބަލީގެ ތަޖުރިބާކާރުން ވެސް ދެއްކި ވާހަކަތަކުގެ އަލީގައި ނެޓްފްލިކްސުން މިހާރު ވަނީ ސީރީޒްގައި ހިމެނޭ މިފަދަ މަންޒަރުތައް ކަނޑާފައެވެ.
"13 ރީޒަންސް ވައި"އަށް ތަރުހީބުދޭ ފަރާތްތަކުން ބުނާ ގޮތުގައި މިއީ ބުލީ ކުރުމާއި، ޖިންސީ ޝިކާރައަކަށްވުމުގެ ވާހަކަތައް އޭގެ އެންމެ ފުރިހަމަ ގޮތުގައި ގެނެސްދޭ ސީރީޒްއެކެވެ.
