އެމްބިއުލާންސަކާއި ސައިކަލެއް ޖެހި އެކްސިޑެންޓެއް ހިނގާ ސައިކަލު ދުއްވަން އިން ޒުވާނާއަށް ސީރިއަސް އަނިޔާތަކެއް ވެއްޖެއެވެ.
ފުލުހުން ބުނީ، މި އެކްސިޑެންޓް ހިނގި ކަމަށް އެ ފަރާތަށް ރިޕޯކޮށްފައި ވަނީ ރޭ ދަންވަރު 12:36 ހާއިރު ކަމަށެވެ. މި އެކްސިޑެންޓް ހިނގާފައިވަނީ ސީއެމްބިއުލާންސަށް ބަލި މީހަކު ގެންދިއުމަށް ގދ. ނަޑެއްލާގައި ދުއްވާ އެމްބިއުލާންސް އެރަށުގެ އިރުމަތީ ބަނދަރު ސަރަހައްދުން އުތުރުން ދެކުނަށް ދުއްވާފައި ދަނިކޮށް އިރުން ހުޅަނގަށް ދުއްވާފައި އައި ސައިކަލެއް ގައި ޖެހިގެން ކަމަށް ފުލުހުން ބުނެއެވެ. ސައިކަލުއައިސް ޖެހިފައިވަނީ އެ އެމްބިއުލާންސްގެ ކަނާތްފަރާތުގައި ކަމަށާއި އެކްސިޑެންޓްގައި އަނިޔާވެފައިވަނީ ސައިކަލު ދުއްވަން އިން ޒުވާނާއަށް ކަމަށް ފުލުހުން ބުނެއެވެ.
ސައިކަލު ދުއްވަން އިން 27 އަހަރުގެ ދިވެހި ފިރިހެން މީހާއަށް ސީރިއަސް އަނިޔާތަކެއް ލިބިފައިވާއިރު ސީ އެމްބިއުލާންސްގައި ރޭ ދަންވަރު 1:53 ހާއިރު ގދ. ތިނަދޫގައި ހުންނަ ޑރ. އަބްދުލް ސަމަދު މެމޯރިއަލް ހޮސްޕިޓަލަށް ގެންގޮސް ފަރުވާ ދެމުންދާ ކަަމަށް ފުލުހުން މައުލޫމާތު ދެއެވެ. އެމްބިއުލާންސް ދުއްވަން އިން 37 އަހަރުގެ ދިވެހި ފިރިހެން މީހާއަށް އަނިޔާއެއް ނުވާ ކަމަށްވެސް ފުލުހުން ބުނެއެވެ.
މި އެކްސިޑެންޓް ހިނގި އިރު ސައިކަލު ދުއްވި މީހާގެ އަތުގައި ލައިސެންސް ނެތް އިރު އެމްބިއުލާންސް ދުއްވި މީހާއަކީ ލައިސެންސް އޮތް މީހެކެވެ. މި އެކްސިޑެންޓްގައި އެމްބިއުލާންސްގެ ކުރީ ކޮޅަށް ބޮޑެތި ގެއްލުން ތަކެއް ލިބިފައިވާއިރު ސައިކަލަށް ވެސް ވަނީ އެކިވަރުގެ ގެއްލުންތައް ވެފައެވެ.
މި މައްސަލަ ގދ. ތިނަދޫ ޕޮލިސް ސްޓޭޝަނުން ދަނީ ތަހުގީގު ކުރަމުންނެވެ.
އެބޭފުޅާގެ ފައިގަ ލައިސަންސް އޮތްނަމަ....
ހަބަރު ތިގޮތަށް ގެނެސްދޭއިރު ތެދު މައުލޫމާތު ހިމެނުން އެއީ އެދެވޭ ގޮތް ކަމުގައި ދެކެން.. ދުއްވާން އިން ކުއްޖާއަތު ލައިސެންސް އޮތް..