އަމިއްލަފުޅު އެކައުންޓުގައި ހުރި ފައިސާއަކީ ގެދޮރު ކުއްޔަށް ދެއްވައިގެންނާއި، އާއިލީ އިންކަމް އަދި އިންތިހާބު ތަކުގައި ކެމްޕޭނަށް ލިބިވަޑައިގެންނެވި ފައިސާ ކަމަށް ކުރީގެ ރައީސް އަބްދުﷲ ޔާމީން ވިދާޅުވެއްޖެއެވެ.
"ދަ ޕްރެސް" އަށް ދެއްވި އެކްސްކުލޫސިވް އިންޓަވިއުއެއްގައި އެމަނިކުފާނުގެ އެކައުންޓުގައި ހުރި ފައިސާގެ ތަފްސީލު ހާމަ ކުރައްވަމުން ވިދާޅުވީ އެ މަނިކުފާނަކީ 1993 ވަނަ އަހަރު، އަދި އޭގެ ކުރިންވެސް އަމިއްލަ ގެދޮރު ކުއްޔަށް ދޫކުރައްވައިގެން ފައިސާ ލިބިވަޑައިގެންނަވާ ބޭފުޅެއް ކަމަށާއި، އަނބިކަނބަލުންނަކީ ވެސް ތަނަވަސް ބޭފުޅެއް ކަމަށެވެ.
ފެމިލީ އިންކަމްގެ އިތުރުން ސޭވްކުރައްވައިފައި ހުރި އިންކަމް އަކީ އެކައުންޓުގައި ހުރި ފައިސާގެ ތެރެއިން ބައެއް ކަމަށް ރައީސް ޔާމީން ވިދާޅުވިއެވެ. އަދި އަމިއްލަ ފުޅު އެކައުންޓުގައި ހުރި އަނެއްބައި ފައިސާއަކީ އިންތިހާބު ތަކުގައި ލިބިވަޑައިގެންނެވި ކެމްޕޭން ފައިސާ ކަމަށެވެ.
އެމަނިކުފާނު ވިދާޅުވީ އަމިއްލަފުޅު އެކައުންޓުގައި ފައިސާ ހުރެގެން މައްސަލައެއް ކަމަށް ވެގެން ނުވާނެ ކަމަށެވެ. އަދި އެއީ މައްސަލައެއް ކަމުގައި ވާނަމަ ތަހުގީގީ އިދާރާ އަކަށް ގެންގޮސް އެކަން ސާފު ނުކުރައްވަނީ ކީއްވެގެންތޯ އެމަނިކުފާނު ސުވާލު އުފެއްދެވިއެވެ.
އެމަނިކުފާނު ވިދާޅުވީ އަމިއްލަފުޅު އެކައުންޓުގައި 100 މިލިއަން ރުފިޔާ ހުރެގެން، އޭގެ ތެރެއިން ގާތްގަނޑަކަށް 45 ޕަސެންޓް ފައިސާއަކީ އެމަނިކުފާނުގެ އާމްދަނީ ކަމަށެވެ. އަދި 1993 އިން ފެށިގެން އެމަނިކުފާނު އާމްދަނީ އެއްކުރައްވަމުން ގެންދެވި ކަމަށާ، ދެން ހުރި ފައިސާ އަކީ ރިޔާސީ އިންތިހާބާއި ރައްޔިތުންގެ މަޖިލިސް އިންތިހާބުގެ ތެރެއިން ލިބިވަޑައިގެންނެވި ކެމްޕޭން ފައިސާގެ ތެރެއިން ބަހައްޓަވާފައި ހުރި ފައިސާ ކަމަށެވެ.
ރައީސް ޔާމީންގެ އެކައުންޓަށް އެމްއެމްޕީއާރުސީގެ ފައިސާ ވަން ކަމަށް ތުހުމަތު ކުރެވޭ މައްސަލައެއް ކަމާބެހޭ ފަރާތްތަކުން އަންނަނީ ބަލަމުންނެވެ. މި މައްސަލައިގައި ތަހުގީގީ އިދާރާތަކުން ބުނެފައިވަނީ އެމްއެމްޕީއާރުސީގެ ހިޔާނާތުގެ ފައިސާގެ ތެރެއިން އެއް މިލިއަން ޑޮލަރު ރައީސް ޔާމީންގެ އެކައުންޓަށް ވަދެފައިވާ ކަމަށެވެ.
މި މައްސަލައިގައި ދައުލަތުން ވަނީ ހިޔާނާތުގެ ފައިސާ އަމިއްލަފުޅު އެކައުންޓަށް ލޯންޑާ ކުރި މައްސަލައެއް ކުރިމިނަލް ކޯޓަށް ހުށަހަޅާފައެވެ. މަނީ ލޯންޑަރިންގެ މައްސަލާގައި ރައީސް ޔާމީންގެ އިތުރުން ރައީސް އޮފީހުގެ ކުރީގެ ލީގަލް އެފެއާޒް މިނިސްޓަރު އައިޝަތު އާޒިމާ ޝުކޫރުގެ މައްޗަށް ވެސް ދައުވާ ކުރުމަށް ޕީޖީ އޮފީހަށް ފުލުހުން ފޮނުވާފައި ވެއެވެ.
މަނީ ލޯންޑަރިންގެ މައްސަލަ ތަހުގީގު ކުރުމަށް ފަހު، ރައީސް ޔާމީނާއި އާޒިމާގެ މައްޗަށް ދައުވާ ކުރަން ފުލުހުންގެ އިދާރާއިން ފޮނުވާފައި ވަނީ މިދިޔަ ފެބްރުއަރީ މަހުގެ ހަވަނަ ދުވަހުއެވެ. ދައުވާ ކުރަން ޕީޖީ އޮފީހަށް އެމައްސަލަ ފޮނުވުމަށް ފަހު ފުލުހުންގެ އިދާރާއިން ނެރުނު ބަޔާނެއްގައި ބުނެފައިވަނީ ރައީސް ޔާމީން ވެރިކަމުގައި ހުންނެވި އިރު ގާނޫނާއި ހިލާފަށް މާލީ މުއާމަލާތްތަކެއް ހިންގަވާފައި ވާކަމަށް ތުހުމަތުކުރެވި ދައުލަތުގެ ކަމާބެހޭ އިދާރާތަކުން ފުލުހުންނަށް ހުށަހަޅާފައިވާ މައްސަލަތަކުގެ ތެރެއިން އެމްއެމްޕީއާރުސީ މެދުވެރިކޮށް ކުއްޔަށް ދޫކުރި ރަށްތަކާއި ފަޅުތަކާއި ގުޅިގެން، ދައުލަތަށް ލިބެންޖެހޭ ގިނަ އަދަދެއްގެ ފައިސާއަށް ހިޔާނާތްތެރިވި ފަރާތްތަކުން އެފައިސާގެ ތެރެއިން ގިނަ އަދަދެއްގެ ފައިސާ ރައީސް ޔާމީން ނަމުގައި މޯލްޑިވްސް އިސްލާމިކް ބޭންކްގައި ހުޅުވާފައިވާ އެކައުންޓަކަށް ޖަމާކޮށްފައިވާ ކަމަށެވެ.
އަދި އެފައިސާ ލޯންޑާކޮށް، އެފައިސާއާއި ގުޅޭގޮތުން ދައުލަތުގެ ކަމާބެހޭ ފަރާތްތަކުން ހިންގި ތަހުގީގާއި ގުޅިގެން ހިންގި މުއާމަލާތްތަކުގައި ދައުލަތުގެ ރަސްމީ އިދާރާތަކަށް ދޮގު މައުލޫމާތު ދީފައިވާކަމަށް ތުހުމަތުކުރެވޭ މައްސަލައިގެ ތަހުގީގު ފުރިހަމަ ކުރުމަށްފަހު މިމައްސަލައިގައި ތުހުމަތުކުރެވޭ ފަރާތްތަކުގެ މައްޗަށް ދައުވާ ކޮށްދިނުމަށް އެދިފައިވާ ކަމުގައެވެ.
ރައީސް ޔާމީނަށް އެއްޗެއް ލިބިގެން އެހަ ކަންބޮޑުވަނީ ކީއްވެތަ؟ ރައީސް ޔާމީނުގެ ދައުރުގައި ކޮށްފައި ހުރި ތަރައްގީ ނުފެނޭތަ؟ ކިތަންވެ ވަރަކަށް ކެޔަސް އެހެރީ ނަތީޖަ ފެންނަންނު؟ މި ސަރުކާރަށް މިއުޅެނީ އަހަރު ދުވަސް ވާން ކަރިއިވީއިރު ހެންވޭރުގައި އާޓިފިޝަލް ޕާކު ގަނޑު ހުޅުވާ ނުލެވިގެން. ހަމަ ޖޭ ވަނީ ރައީސް ޔާމީނު ދެކެ.
"މަނީ ލޯންޑަރިންގެ މައްސަލަ ތަހުގީގު ކުރުމަށް ފަހު، ރައީސް ޔާމީނާއި އާޒިމާގެ މައްޗަށް ދައުވާ ކުރަން ފުލުހުންގެ އިދާރާއިން ފޮނުވާފައި ވަނީ މިދިޔަ ފެބްރުއަރީ މަހުގެ ހަވަނަ ދުވަހުއެވެ." ދެން ކޮބާތަ އެހެން ކެންޑިޑޭޓުންގެ ފައިސާގެ ތަފްސީލު. ބަލަ އެވާހަކައެއް ނުދައްކާ އެކަކުވެސް. އެހެން ކެންޑިޑޭޓުން ހުރީ ސަފު ހުދު ފައިސާތޯ؟
އަޅެ މީހަކު ހައިރާންވެ އަންތަރީހެއް ނުވާނެތަ، 1993 އިން ފެށިގެން މިހާތަނަށް ވީ 26 އަހަރު. މި މުއްދަތުގެ ތެރެއިން މަޖިލީހުގެ މެންބަރުކަން ކުރި މުއްދަތު ވިޔަވާ ދެން ލިބިފައި ހުންނާނީ އޭރުގެ ނިސްބަރުން 12 ވަރަކަށް ހާސް ރުފިޔާ. މިނިސްޓަރަކަށް އުޅުނު ދުވަސްވަރު 30 ހާސް ރުފިޔާ، މަޖިލީހުގައި މުސާރަ ބޮޑު ކުރަންދެން ލިބުނީ 40 ހާސް ރުފިޔަ. މި ހުރިހާ ފައިސާއެއްގައި ނުޖެހި ބެހެއްޓިއަސް 100 މިލިއަން ހަމަ ނުވޭ. ހަރަދު ބޮޑުވެގެން ދަތިވެގެން ރައީސް ކަމުގައި ހުރި އިރު ފުލް މުސާރަ ނަގަން ފެށި ވާހަކަ ބުނީމާ، ކުރިން އެކައުންޓުގައި ފައިސާއެއް އެގޮތަށް ރައްކާ ކޮށްފައި ބަހައްޓާނެ ކަމަކަށް ނުބެލެވޭ. އަދި އެދޭތެރެ މެދުން އަލިކިލެގެ ފާނު މަގުގެ ދެކުނުން ގޯއްޗެއް ގަނެ ހެދި. އެއަށް ފަހު މިހާރު ބްރިޖް ވިއުގައި ހުރި ގެ ވެސް ގަނެގެން އެހެރަ ހަދަނީ. ބީއެމްއެލް އެކައުންޓަށް 1 މިލިއަން ޑޮލަރު ލާން ޒަމީރު އަތުން ޑޮލްރު ގަތީވެސް އަމިއްލަ ލާރިއަށް ކަމަށް ބުނަނީ. އެކަމަކުވެސް އެކައުންޓުތަކުގައި 100 މިލިއަން އެބަހުރި. ކިހިނެއް މިވާހަކަތައް ގަބޫލު ކުރާނީ. އަބްދުއްރަހީމޫމޫމޫމޫމޫ. ކަލޭ އަޅެ ހިސާބެއް ޖަހައިދީ ބަލަ.
ދަރިން އުޅޭތަނަށް ކުލިނުދެއްކިގެން އަތުގަ ފައިސާނެތިގެން ގައިމު ފުލް މުސާރަނަގަންފެށީ. ކޮބާ ތިހުރިހާ ފައިސާ އެއިރު
ރައީސް ޔާމީނަށް ހީވަނީ ރައްޔިތުންނަށް އޮޅުވާލެވޭނެ ކަމަށްތޯ؟ މިހަރު ހުރިހާ އެއްޗެއް ރައްޔިތުންނަށް އިނގޭ. މަނިކުފާނަށް އޮޅިވަޑައިގެން ތި އުޅުއްވަނީ.
ދެން ކީކޭ ބުނާނީ. މި ކަލޭގެ ޝަރީއަތް މާދަމަ ފެށޭތީ އަނެއްކާ އަނެއް ވާހަކަ ދައްކަން ފެށީ. މީނާ މީ ޖަލުގައި އިންނަން ޖެހޭ މީހެއް. އެއްގޮތަކަށްވެސް ދޫކޮށްލައިފައި ބަހައްޓަން ހެޔޮ ނުވާނެ.
އަޑުއެހިން ކުރިން ބުނި އަޑު، ރައީސް ކަމުގައި ހުރެފައި މުސާރައިގެ 1/2 ނެގުން ހުއްޓާލައި ފުލް މުސާރަ ނަގަން ފެށީ، ތިމަންނާ ދަރިން ކުއްޔަށް އުޅޭތީ ހަރަދު ބޮޑުވެގެން އެ ފޫބައްދާށޭ. އެވަރުންވެސް ހަމަ ޖެހެނީ ހަމަ ކިރިޔާއޭ. އެހެން ވިއްޔާ ތިޔަ ދައްކާ ވާހަކައަކާ އެވާހަކަ އަކާ ދިމައެއް ނުވޭނު. އެހާ ހާލުގައި ހުރި މީހަކުގެ އެކައުންޓުގައި 100 މިލިއަން. އެވެސް ގެދޮރު ކުއްޔަށް ދީގެނާ އެނޫންވެސް ފެމިލީ އިންކަމް. ވަޓް ޝިޓް ސަރ ޔޫ ޓޯކިން.
އެކައުންޓް ހުޅުވާފައި އޮތީ ލާރިގަނޑު ޖަމާ ކުރުމުގެ 6 ދުވަސް ކުރިން. އެއީވެސް އިއްތިފާގެއްތޯ؟ އަދި އެ ލާރި އިސްލަމިކް ބޭންކުގައި ބަހައްޓާފައި ބޭންކު އޮފް މޯލްޑިވްސްގައި އެކައުންޓެއް ހުޅުވާ އެއަށް 1 މިލިއަން ޑޮލަރު ލީ ކޮންތާކުން ހޯދި ލާރިއެއްތޯ؟
ކޮބާހޭ ކާލި ލާރި ގަނޑު.
އަންނި އަތުގަ މާބައިވަރު ހުރި ސުވާލު ވެސް ނުއުފެދޭ...ރޔ އާ ހަމަ ހަސަދަ ވެރީ...