މަޝްހޫރު މިއުޒީޝަން އަދި ލަވަކިއުންތެރިޔާ ސްޓީވީ ވޮންޑާ، ކިޑްނީ ޓްރާންސްޕްލާންޓް އޮޕަރޭޝަނަށް ތައްޔާރު ވަމުންދާކަން ހާމަކޮށްފިއެވެ.
ލޮލުގެ ފެނުމުންވެސް މަހްރޫމުވެފައިވާ ސްޓީވީ ވޮންޑާ ބުނި ގޮތުގައި ކިޑްނީ ޓްރާންސްޕްލާންޓް އޮޕަރޭޝަން ކުރުމަށް ހަމަޖެހިފައިވަނީ މިއަހަރުގެ ފަހުކޮޅުގައެވެ.
މިހާރު ޑޯނަރެއްވެސް ލިބިފައިވާކަމަށާ، ސެޕްޓެމްބަރު މަހަށް އޮޕަރޭޝަން ތާވަލުކޮށްފައިވާއިރު އޭގެ ކުރިން އަދި 3 ޝޯއެއް ވަރު ދެވޭނެކަމަށްވެސް ސްޓީވީ ވޮންޑާ ވަނީ ހާމަކޮށްފައެވެ.
މިފަހަކަށް އައިސް ސްޓީވީ ވޮންޑާގެ ސިއްހީ ހާލު ދަށަށް ދާ ކަމަށާ، އޭނާގެ ބައްޔަކީ ސީރިއަސް ބައްޔެއްކަމަށް މީޑިއާގައިވަނީ އަޑުފެތުރިފައެވެ. އަދި ޝޯތައް ދިނުމަށް އޭނާ ތަންތަނަށް ދަތުރުކުރަނީ ހާއްސަ މެޑިކަލް ޓީމަކާ އެކުގައި ކަމަށް ބުނާ އަޑުތަކެއްވެސް ވަނީ ފެތުރިފައެވެ.
މިއުޒިކްގެ ރޮނގުން އޭނާ ކުރަމުންދާ މަސައްކަތްތަކުގެ އަގު ވަޒަންކޮށް، ޔޭލް ޔުނިވާސިޓީއިންވަނީ (އޮނަރަރީ) ޑޮކްޓާ އޮފް މިއުޒިކްގެ ސަނަދު ސްޓީވީ ވޮންޑާއަށް ދީފައެވެ.
