މަޝްހޫރު ޓީވީ ސީރީޒް "ކަސޯޓީ ޒިންދަގީ ކޭ"ގައި "ކޮމަލިކާ"ގެ ރޯލުން ފެނިގެންދިޔަ ބަތޮލާ ހީނާ ހާންގެ އިންސްޓަގްރާމް އެކައުންޓް ފޮލޯކުރާ މީހުންގެ އަދަދު 5 މިލިއަނަށް އަރައިފިއެވެ.
ހީނާ ހާންގެ އިންސްޓަގްރާމް ފޮލޮވާޒްގެ އަދަދު 5 މިލިއަނަށްވުރެ މައްޗަށް އަރާފައިވާއިރު، އޭނާގެ ފޭނުންވަނީ ހީނާއަށް ހާއްސަ ސަޕްރައިޒެއްވެސް ދީފައެވެ.
ހީނާގެ ފޭނުން އޭނާއަށް ބޮޑު ކޭކެއްވެސް ފޮނުވާފައިވާއިރު، ކޭންސް ފިލްމް ފެސްޓިވަލްގެ ރެޑް ކާޕެޓަށް ޑަޔަޓް ކުރަމުންދާތީ އޭނާއަށް ރަހަ ބަލާލަން ކެރުނީ ކުޑަ ކޭކުކޮޅެއްކަމަށްވެއެވެ.
ބޮލީވުޑްއާއި ހިންދީ ސީރީޒްތަކުން ފެންނަ ތަރިންނަށް ބަލާއިރު، ހީނާއަކީ ސޯޝަލް މީޑިއާ ޕްރެސެންސް ވަރަށް ވަރުގަދަ ތަރިއެކެވެ. ހީނާއަކީ ސޯޝަލް މީޑިއާގައި އެކްޓިވް ސެލެބްރިޓީއަކަށްވާއިރު، އޭނާގެ ފޭނުންނާ އަބަދުވެސް މުއާމަލާތުކޮށް ހަދައެވެ.
ހީނާ ހާން ޓީވީ ސީރީޒްތަކުން އެންމެ ފުރަތަމަ ފެންނަން ފެށީ "ޔޭ ރިޝްތާ ކެހެލާތާ ހޭ"އިން "އަކްޝާރާ"ގެ ރޯލުންނެވެ. ނަމަވެސް އޭނާގެ ސަޕޯޓަރުން އިތުރުވާން ފެށީ ބިބް ބޮސްއާއި ގުޅުނު ހިސާބުންނެވެ.
ޓީވީ ސްކްރީނުން ބްރޭކެއް ނަގާ، ހީނާ ހާން މިހާރު ތައްޔާރު ވަމުންދަނީ ވިކްރަމް ބަޓްއާއިއެކު ބޮލީވުޑް ފިލްމެއްގައި މަސައްކަތް ކުރުމަށެވެ.
