ވިޔަފާރިވެރިޔާ އަދި އިފޮޕްކާގެ ރައީސް މުހައްމަދު އަލީ ޖަނާހު (ޖަނާ) ސަރުކާރުގެ ހުރިހާ ބޯޑުތަކަކުން އިސްތިއުފާ ދެއްވައިފިއެވެ.
މިއަދު ޖަނާ އިސްތިއުފާ ދެއްވާފައިވަނީ މޯލްޑިވްސް މަނިޓަރީ އޮތޯރިޓީ އެމްއެމްއޭ ގެ ބޯޑު މެންބަރު ކަމުންނާއި ރާއްޖޭގެ ކޮންޓްރަކްޓަރުންގެ ބޯޑުގެ ޗެއާމަން ކަމުންނާއި ސަރުކާރުން އަލަށް އުފެއްދެވި މުސާރަޔާ އިނާޔަތުގެ ގޮތުގައި ދެވޭ އެންމެ ކުޑަ އުޖޫރަ ކަނޑައަޅާ ބޯޑުގެ މެންބަރު ކަމުންނެވެ.
އަލަށް އުފެއްދެވި މުސާރައާ އުޖޫރައިގެ ކަންކަމުގައި ލަފާދޭ ބޯޑުގައި ޖަނާ ހިމަނައިފައިވާތީ ސަރުކާރު ހިންގާ ޕާޓީ އެމް.ޑީ.ޕީގެ ތެރެއިން ޖަނާއަށް ވަނީ ތަފާތު ފާޑުކިއުންތަކެއް އަމާޒުވިއެވެ.
ޖަނާއަކީ ކުރީގެ ރައީސް މައުމޫން އަބްދުލް ގައްޔޫމްގެ ދައުރުން ފެށިގެން ސަރުކާރާ ގާތް ގުޅުމެއް އޮންނަ ބޭފުޅެކެވެ.
