ރައްޔިތުންގެ އައިޑީ ކާޑު ފޮރުވައިގެން އެމީހުނަށް ވޯޓުނުލެވޭ ގޮތް ހެދުމަށްފަހު ކާމިޔާބީގެ އުފާ ފާޅުކުރުމަކީ ލިބޭ ފަހުރެއް ނޫންކަމަށް މާފަންނު ހުޅަނގު ދާއިރާއަށް ވާދަކޮށް ބަލިވި ކެންޑިޑޭޓް ގީލާ އަލީ ބުނެފިއެވެ.
ރޭ ފަތިހު ގީލާ ކުރި ޓްވީޓެއްގައި އޭނާ ބުނީ ރާއްޖެ ތަރައްގީ ވުމަކީ ރައްޔިތުން ވޯޓު ވިއްކުން ހުއްޓާލި ދުވަހަކުން ލިބޭނެ އެއްޗެއްކަން ގަބޫލު ކުރާ ކަމަށެވެ. ގީލާގެ މި ބަހުގެ ހަމަލާތައް އަމާޒުވެފައި ވަނީ މަޖިލީހުގެ އަޣުލަބިއްޔަތު އެމްޑީޕީއަށް ކަށަވަރު ވުމުން އެ ޕާޓީއިން ރޭ ބޭއްވި އުފާފާޅުކުރުމުގެ އެއްވުމަށެވެ.
އިއްޔެ ބޭއްވި ރައްޔިތުންގެ މަޖިލިސް އިންތިހާބުގައި ޕީޕީއެމް އަދި ޕީއެންސީގެ ފަރާތުން މާފަންނު ހުޅަނގު ދާއިރާއަށް ވާދަކުރި ކެންޑިޑޭޓަކީ ގީލާއެވެ. ނަމަވެސް، ގީލާ އިންތިހާބުން ބަލިވެ، މާފަންނު ހުޅަނގު ދާއިރާގެ ގޮނޑި ލިބުނީ އެމްޑީޕީގެ ފަރާތުން ވާދަކުރި ކެންޑިޑޭޓް، މުހައްމަދު ފަލާހަށެވެ. މިހާތަނަށް ހުރިހާ ވޯޓުފޮށިތަކުގެ ނަތީޖާ ލިބިފައި ނުވިއަސް 19 ވަނަ މަޖިލީހުގެ އަޣުލަބިއްޔަތު އޮތީ އެމްޑީޕީއަށްކަން ވަނީ ކަށަވަރުވެއެވެ.
އިއްޔެގެ އިންތިހާބުގައި ވޯޓުލުމުގެ ހައްގު 264.442 މީހުންނަށް ލިބިގެންވާ އިރު، ވޯޓުލީ 212،079 މީހުންނެވެ. މި އިންތިހާބުގައި ޖުމްލަ 87 ދާއިރާއަކަށް 386 ކެންޑިޑޭޓުން ސިޔާސީ ޕާޓީތަކުންނާއި އަމިއްލަ ގޮތުން ވާދަކުރިއެވެ. މި އިންތިހާބުގައި 501 ވޯޓު ފޮށްޓެއް ރާއްޖެއާއި ރާއްޖެއިން ބޭރުގައި ބެހެއްޓި އިރު، މާލޭގައި ބެހެއްޓީ 144 ވޯޓުފޮށްޓެވެ. އަދި އަތޮޅު ތެރޭގައި 307 ފޮށި ބެހެއްޓި އިރު ރާއްޖޭން ބޭރުގައި ބެހެއްޓީ އަށް ވޯޓު ފޮށްޓެވެ. ހުރިހާ ފޮށިތަކުގެ ތެރެއިން ނަތީޖާ ލިބުނު ވޯޓު ފޮށީގެ އަދަދު މިހާރު 420 އަރައެވެ.
ސިޔާސީ ގޮތުން އުރަތްޕެތް ނެތުމަކީ ދިވެހިރައްޔިތުންދެކެ ތިޔަހާ ރުޅިއަންނަން ޖެހޭ ސަބަބެއްނޫން ގީލާ އަލީ! ބަލިމައްޗަށް ތިޔަ ބަލިވަނީ! އަމިއްލައަށް ބޮޑާކަމާއި ކިބުރުވެރިކަމުގައި ތިއްބާ، އަމިއްލަމީހާގެ ފެންވަރު އިތުރަށް ދިވެހިންގެ ކުރިމަތީގައި ފަލީހަތްވަނީ! ހަޖަމްކޮށްލާ ދެން! ސުޕަރމެޖޯރިޓީ ދިވެހި ރައްޔިތުން ދީފި! ގީލާ އަލީ ބޮޑުތަނުން ބަލިކޮށް ލަދު ގަންނުވާލީމާ، ތިޔަހެން އަދި އުޅޭނެ ދުވަސްކޮޅަކަށް! ހެހެހެ