މިދިޔަ އަހަރުގެ ފެބްރުއަރީ އެއްވަނަ ދުވަހު ސުޕްރީމް ކޯޓުން ނެރުނު އަމުރަކާއި ގުޅިގެން ފުލުހުންގެ ވަޒީފާއިން ވަކިކުރި ދެ ސާޖަންޓު ރޭންކުގެ ފުލުހުން ކަމަށްވާ އަހުމަދު އާސިމް އަދި އަބްދުﷲ ރިޔާޒަށް އަލުން އަނބުރާ ވަޒީފާ ދިނުމަށް ސިވިލް ކޯޓުން އަމުރުކޮށްފިއެވެ.
އަލުން އަނބުރާ ވަޒީފާ ދިނުމަށް ސިވިލް ކޯޓުން އަމުރު ކޮށްފައިވަނީ ވަޒީފާއިން ވަކިކުރި ދުވަހުން ފެށިގެން މިއަދާއި ހަމައަށް ދޭންޖެހޭ މުސާރައާ އެކު އިނާޔާތްތަކާއި ވެސް އެކީގައެވެ. ވަޒީފާއާއެކު ސާޖެންޓު އާސިމަށް 189،000 ރުފިޔާ އަދި ސާޖެންޓު ރިޔާޒަށް 199،000 ރުފިޔާގެ ބަދަލެއް ދިނުމަށް ވަނީ އަމުރުކޮށްފައެވެ.
ފެބްރުއަރީ މަހުގެ އެއްވަނަ ދުވަހު ސުޕްރީމް ކޯޓުން ނެރުނު އަމުރަކާއި ގުޅިގެން ފުލުހުންގެ ދެ މީހަކަށް ވަޒީފާ ދިނުމަށް ސިވިލް ކޯޓުން އަމުރު ކުރައްވާފައިވާއިރު މިދިޔަ މަހުގެ ތެރޭގައި ސިފައިންގެ އެސްޕީޖީގައި ދެ އޮފިސަރުންނަށްވެސް ވަޒީފާ ދިނުމަށް ސިވިލް ކޯޓުން ވަނީ އަމުރުކުރައްވާފައެވެ.
ފެބްރުއަރީ މަހުގެ އެއްވަނަ ދުވަހު ސުޕްރީމް ކޯޓުން ނެރުނު އަމުރަކާއި ގުޅިގެން ފުލުހުންގެ ހަތް މީހެއް ވަނީ ވަޒީފާއިން ވަކިކޮށްފައެވެ.
