ކުރީގެ ރައީސް އަބްދުﷲ ޔާމީން ސަރުކާރުގެ ފުރަތަމަ ނައިބު ރައީސް ޑރ. މުހައްމަދު ޖަމީލް އަހްމަދު، މަގާމުން ވަކިކޮށްފައި ވާތީ ސުޕްރީމް ކޯޓަށް އެ މައްސަލަ ހުށައަޅުއްވައިފިއެވެ.
މިކަން ޑރ. ޖަމީލް ވަނީ ' ދަ ޕްރެސް' އަށް ކަށަވަރު ކޮށްދެއްވާފައެވެ.
ޑރ. ޖަލީލު ގެ މައްޗަށް އިތުބާރު ނެތްކަމަށް ރައްޔިތުންގެ މަޖިލީހުގެ 61 މެންބަރުން ސޮއިކުރައްވާފައިވާ ޤަރާރެއް އޭރުގެ ސަރުކާރުގެ ފަރާތުން ހުށައެޅީ 30 ޖޫން 2015 ގައެވެ. އަދި އެ މައްސަލަ އަވަސްކުރުމަށްޓަކާ، ރައްޔިތުންގެ މަޖިލީހުގެ ގަވާއިދު ވެސް އާއްމު ކޮމިޓީން އިސްލާހު އޭރު ކުރިއެވެ.
އެ އިސްލާހުތަކާއި އެކު ޑރ. ޖަމީލު ނައިބު ރައީސް ކަމުގެ މަގާމުން ވަކި ކުރަން ރައްޔިތުންގެ މަޖިލީހުން ފާސް ކުރީ، 20 ޖުލައި 2015 ގައެވެ. ނައިބު ރައީސް ކަމުން ޑރ. ޖަމީލު ވަކިކުރަން އޭރު މަޖިލީހު ގެ ބޮޑު އަގުލަބިއްޔަތަކުން ވޯޓު ދީފައި ވެއެވެ. އެގޮތުން ޑރ.ޖަމީލުގެ އިތުބާރު ނެތް ކަމުގެ މައްސަލަ އަށް ތާއީދުކުރައްވާ، 78 މެމްބަރުން ވޯޓު ދެއްވާފައިވާއިރު، އެ މައްސަލަ އާ ދެކޮޅަށް ދެކޮޅަށް ވޯޓު ދެއްވީ 2 މެންބަރުންނެވެ.
