މި މަހުގެ ހަތްވަނަ ދުވަސް ވާ އާދީއްތަ ދުވަހަކީ ސަރުކާރު ބަންދު ދުވަހެއް ގޮތުގައި ނުނިންމާ ކަމަށް ރައީސްގެ ތަރުޖަމާނު އިބްރާހިމް ހޫދު ވިދާޅުވެއްޖެއެވެ.
ހޫދު މިހެން ވިދާޅުވީ ބައެއް މީޑިއާ ތަކުގައި އަންނަ އާދިއްތަ ދުވަހަކީ ސަރުކާރު ބަންދު ދުވަހެއް ކަމަށް ބުނެފައިވާ ދަންޑިވަޅެއްގައެވެ. މިކަމާ ގުޅިގެން ހޫދު ކުރެއްވި ޓްވީތްގައި ބުނެފައިވަނީ އާދިއްތަ ދުވަހަކީ ބަންދު ދުވަހެއްކަމަށް ހަމަޖައްސާނީ ހޮނިހިރު ދުވަހުގެ ހަވީރު ކަމަށެވެ.
އަންނަ ހޮނިހިރު ދުވަހު މަޖިލިސް އިންތިހާބު ކުރިއަށް ދިއުމަށް ހަމަޖެހިފައިވާ އިރު ރާއްޖޭގައި ވޯޓުލުން ކުރިއަށް ގެންދާނީ ހެނދުނު 8:00 އިން ހަވީރު 4:00 އަށެވެ.
