ޔޫރަޕޭ ދޮން މީހުންނޭ ވިދާޅުވާއިރު އެއިން ގައުމެއް ތަޖުރިބާ ކުރެއްވިންތޯ ވިދާޅުވެ މަންދު ކޮލެޖްގެ ޗެއާމަން އިބްރާހިމް އިސްމާއިލް (އިބްރާ) ރައްދު ދެއްވައިފިއެވެ.

ފާހިޝް ނުބައި ކަންކަން ނިސްބަތުން ހިނގާ އެންމެ ބޮޑު އެއް ތަނަކީ އިނގިރޭސިވިލާތް ކަމަށާއި އެތަނުގައި މަގުމަތީގައި ބަރަހަނާ ވެގެން އުޅޭ ކަމަށް ވާކަމުގައި ވިދާޅުވެ ޝެއިހް ޒައިދު ކުރެއްވި ޓްވީޓަކަށް ރައްދު ދެއްވާ އިބްރާ ވިދާޅުވީ، އާންމު ތަންތަނުގައި ބަރަހަނާ ވެގެން އުޅުމަކީ ޒަމާނުއްސުރެ އެތަނުގައި ޖިނާއީ ކުށެއްގެ ގޮތުގައި ކަނޑައަޅާފައިވާ ކަމެއް ކަމުގައެވެ.

ސަލަފިއްޔާ އާއި މަދީނާއިން ކިޔަވާ ބައެއް އިލްމުވެރިން ނަކީ "ވަޅެއްގައި އޮންނަ ބޮކެއް" ގެ ގޮތުގައި އިބްރާ ވަނީ ސިފަ ކުރައްވާފައެވެ. އިބްރާ ވިދާޅުވީ އެފަދަ އިލްމު ވެރިންނަށް ދުނިޔެ ފެންނާނީ ވަރަށް ކުޑަކޮށް ކަމަށާއި "އެ ވަޅުގަ" ނެތް އެއްޗެއް ދުނިޔޭގައި ނުހުންނާނެ ކަމަށް އެބޭފުޅުން ދެކިވަޑައިގަންނަވާ ކަމަށެވެ. ޝެއިހް ޒައިދް އެންމެ ރަނގަޅުވާނީ، މަދީނާގެ ވާހަކަތަކަށް އެކަނި ހާއްސަވެ ވަޑައިގަތުން ކަމަށް ވެސް އިބްރާ ވިދާޅުވިއެވެ.

އިނގިރޭސި ވިލާތާ ބެހޭގޮތުން ޝެއިހް ޒައިދް ކުރެއްވި ޓްވީޓަކީ، ޕާކިސްތާނުގެ ސަލަފިއްޔާ އިން ކިޔަވާ ވިދާޅުވާ އިލްމުވެރިންނަކީ އެއްޖިންސުން ގުޅުން ހިންގާ ބައެއް ކަމަށް ވިދާޅުވެ ކުރީގެ ރައީސް މުހައްމަދު ނަޝީދު ދެއްކެވި ވާހަކަފުޅާ ގުޅިގެން ކުރެއްވި ޓްވީޓެކެވެ.

ސިޔާސީ