ކުރިއަށް އޮތް ރައްޔިތުންގެ މަޖިލިސް އިންތިހާބުގައި ކެލާ ދާއިރާއަށް އަދާލަތު ޕާޓީގެ ފަރާތުން ވާދަ ކުރާ ކެންޑިޑޭޓް ތޫބާ ރަޝީދު، އެ ދާއިރާއަށް ވާދަ ކުރާ އެމްޑީޕީގެ ކެންޑިޑޭޓް އިބްރާހިމް ޝަރީފަށް ތާއީދު ކުރަން ނިންމައިފިއެވެ.
އިންތިހާބަށް 3 ދުވަހަށް ވެފައި ވަނިކޮށް ތޫބާ މި ގޮތަށް ނިންމާފައި ވަނީ، ކޯލިޝަންގައި ހިމެނޭ 2 ޕާޓީން އެއް ދާއިރާއަކަށް ވާދަ ކުރުމުން ސަރުކާރަށް ގޮނޑި ކާމިޔާބު ކުރުމުގެ ފުރުސަތު ހަނި ވެދާނެތީ ކަމަށް އޭނާ ބުނެއެވެ. ތޫބާ ވަނީ، އޭނާއަށް ތާއީދު ކުރާ އެންމެހާ ފަރާތް ތަކަށް އެމްޑޕީގެ ކެންޑިޑޭޓަށް ތާއީދު ކޮށް ވޯޓު ދިނުމަށް ގޮވާލައިފައެވެ.
އާދާލަތު ޕާޓީގެ ކެންޑިޑޭޓްގެ މި ނިންމުމަށް ކުރީގެ ރައީސް މުހައްމަދު ނަޝީދު މަރުހަބާ ވިދާޅުވެފައި ވެއެވެ. ނަޝީދު ވިދާޅުވީ ރައީސް އިބްރާހިމް މުހައްމަދު ސޯލިހުގެ ވައުދުފުޅުތައް ފުއްދުމަށް އަދާލަތު ޕާޓީ އާ އެމްޑީޕީން ގުޅިގެން، މަޖިލިސް އަޣުލަބިއްޔަތު ހޯދުމަށް މިކުރާ މަސައްކަތް ﷲ ގެ މިންވަރު ފުޅާ އެކު ކާމިޔާބު ވާނެ ކަމަށެވެ.
