މަދު ބަޔަކު ނަމަވެސް އިންތިހާބު ފަސް ކުރަން ކުރާ މަސައްކަތަކީ ބަލައި ގަނެވޭނެ ކަމެއް ނޫން ކަމަށް ޓްރާންސްޕޯޓު މިނިސްޓަރު އައިޝަތު ނަހުލާ ވިދާޅު ވެއްޖެއެވެ.
މިއަދު ކުރެއްވި ޓްވީޓެއްގައި މިނިސްޓަރު އައިޝާ ވިދާޅުވީ، އިންތިހާބު ބޭއްވުމަށް ހަމަޖެހިފައިވާ ތާރީހުގައި އިންތިހާބު ބޭއްވުމަށް ގޮވާލައްވާ ކަމަށެވެ. އަދި މަޖިލިސް އިންތިހާބުގައި ކޯލިޝަން ސަރުކާރަށް މެޖޯރިޓީ ލިބޭނެ ކަމާ މެދު ޝައްކު ނުކުރައްވާ ކަމަށް ވެސް އައިޝާ ވިދާޅުވެފައި ވެއެވެ.
އައިޝާ މިހެން ވިދާޅު ވެފައި ވާއިރު، ކެމްޕޭނު ކުރުމަށް ވަގުތު ނެތް ކަމަށް ބުނެ އިދިކޮޅު ޕީޕީއެމް އިން އިންތިހާބު ފަސްކުރުމަށް ހައިކޯޓަށް މައްސަލަ އެއް ހުށައަޅަން އުޅޭ ކަމުގެ ހަބަރުތައް ވަނީ ފެތުރިފައެވެ. އަދި އައިޝާ އެހެން ވިދާޅުވުމުން، އެކަމަނާ ނިސްބަތް ވެވަޑައިގަންނަވާ ޖުމްހޫރީ ޕާޓީ (ޖޭޕީ) ގެ ފަރާތުން ވެސް، އިންތިހާބު ފަސް ކުރުމަށް މަސައްކަތް ކުރަމުން ދާ ކަމާ މެދު ސުވާލު އުފެދެއެވެ.
ޖޭޕީ އަކީ ސަރުކާރުގެ ކޯލިޝަން ގެ ތެރޭގައި ހިމެނޭ ޕާޓީ އަކަށް ވީ ނަމަވެސް، ކުރިއަށް އޮތް މަޖިލިސް އިންތިހާބުގައި، އެޕާޓީ މަސައްކަތް ކުރަނީ އިދިކޮޅު ޕީޕީއެމް އާ ގުޅިގެންނެވެ.
ބަޔަކު ނޫޅޭ މޮޔަވޭ...