ީނީ އެއްވެސް ޝިއާރެއް ރަމްޒުކޮށްދޭ އެއްވެސް އެއްޗެއް ރަސްމީ މަސައްކަތު ގަޑީގައި ބޭނުން ކުރުމަކީ ޣައިރު ގާނޫނީ ކަމެއް ކަމުގައި ކަނޑައަޅާ ބިލެއް، ކެނެޑާގެ ކިއުބެކް ޕްރޮވިންސްއިން ތައާރަފުކޮށްފިއެވެ.
މި ގާނޫނު ތައާރަފުވުމާއެކު ރަސްމީ ގަޑީގައި ބުރުގާ އަޅައިގެން އުޅުންވެސް ކިއުބެކްގައި މަނާވީއެވެ. ބެލެވޭ ގޮތުގައި ގާނޫނު ހަދާ މަޖިލީހުން މި ބިލު ފާސްކުރާނެއެވެ.
ކަންމިހެންއޮތްއިރު، ކެނެޑާގެ ބޮޑުވަޒީރު ޖަސްޓިން ޓްރޫޑޯއަކީ ދީނީ މިނިވަންކަމަށް ފާޅުގައި ވަކާލާތު ކުރައްވަމުން ގެންދަވާ ބޭފުޅެކެވެ. މި ގާނޫނާ ބެހޭ ގޮތުން ޓްރޫޑޯ ވިދާޅުވީ، މިނިވަންކަމާއެކު ދިރިއުޅެމުންދިޔަ ގައުމެއްގައި ތައާރަފުކުރާ ގާނޫނެއްގެ ސަބަބުން ބައެއް މީހުންނާ މެދު ތަފާތު ކުރުންތަކެއް ގެންގުޅެންޖެހޭ ކަމީ، ގަބޫލުފުޅުކުރައްވަން ދަތިވެވަޑައިގަންނަވާ ކަމެއްކަމަށެވެ.
ކިއުބެކްއަކީ އެކި ދީންތަކުގެ ރަމްޒުގެ ގޮތުގައި ބޭނުން ކުރަމުން އަންނަ އެކި ކަހަލަ ފޭރާމުގެ ބައިތައް ބޭނުން ކުރުން މަނާކުރުމަށް ތަކުރާރުކޮށް މަސައްކަތް ކުރަމުން ގޮސްފައިވާ ޕްރޮވިންސްއެކެވެ.
