ހިއުމަން ޕެޕިލޯމާ ވައިރަސް(އެޗްޕީވީ) ވެކްސިނަކީ ކޮންމެ އަންހެން ކުއްޖަކު ވެސް ޖަހަން ޖެހޭނެ ވެކްސިނެއް ކަމަށް ރައީސް އޮފީހުން ބުނެފިއެވެ.
ރައީސް އޮފީހުން އިއްޔެ ބުނީ، ސަވައިކަލް ކެންސަރުގެ އިތުރުން ބައެއް އެހެނިހެން ކެންސަރުތަކުން ރައްކާތެރި ވުމަށްޓަކާ، އެޗްޕީވީ ވެކްސިން އަކީ ކޮންމެހެން ވެސް ޖެހޭ ވެކްސިނެއް ކަމަށެވެ.
އެޗްޕީވީ ވެކްސިން ދޭން ފަށަނީ އުމުރުން 10 އަހަރާ 14 އަހަރުގެ އަންހެން ކުދީންނަށެވެ. އުމުރުން 10 އަހަރުގައި ދެވޭ ވެކްސިނެއްގެ ގޮތުގައި އެޗްޕީވީ ވެކްސިން ގައުމީ ވެކްސިން ތާވަލުގައި ހިމެނެއެވެ.
އެޗްޕީވީ ވެކްސިން ގެ ސަބަބުން، ސަވައިކަލް ކެންސަރުގެ ނުރައްކަލަށް އެންމެ ބޮޑަށް މަގުފަހިވާ ނުރައްކާތެރި އެޗްޕީވީ ޓައިޕް 16 އަދި ޓައިޕް 18 އިން ރައްކާތެރި ކޮށްދެއެވެ.
