މާލީ ގޮތުން ބޮޑު އަނދަވަޅަކަށް ވެއްޓި، ޖެޓްއެއާވޭޒްގެ ގިނަ އަދަދެއްގެ ފްލައިޓްތައް ގްރައުންޑުކޮށް، ދަތުރުތައް ހުއްޓާލައިފިއެވެ.
ޖެޓް އެއާވޭޒް ކުންފުނީގެ ދަރަނީގެ އަގު މިހާރު ވަނީ އެއް ބިލިއަން ޑޮލަރަށް ވުރެ މައްޗަށް އަރާފައެވެ.
އެ ކުންފުނިން ބޭންކުތަކަށް ދައްކަންޖެހޭ ފައިސާ ދައްކާފައި ނުވާއިރު، މުވައްޒަފުންނާ ސަޕްލަޔަރުންނަށް ދޭންޖެހޭ ފައިސާ ދައްކާފައި ނުވާކަމަށް ޚަބަރު ލިބެއެވެ.
މާޗް މަހުގެ ނިޔަލަށް މުސާރަ ނުދީފިނަމަ ޖެޓް އެއާވޭޒްގެ ބޯޓުތަކުގައި އުދުހުން ހުއްޓާލާނެ ކަމުގެ އިންޒާރު، ޕައިލެޓުންގެ ޖަމިއްޔާއިން މިހާރު ވަނީ ދީފައެވެ.
އިންޑިއާގެ އެތެރޭގެ 600 މަންޒިލަކާއި ބައިނަލްއަގުވާމީ 380 މަންޒިލަކަށް ދަތުރުކުރާ ޖެޓް އެއާވޭޒްގެ ފްލީޓުގައި 100 އަށް ވުރެ ގިނަ މަތިންދާ ބޯޓު އޮންނައިރު 50 ފްލައިޓެއް މިހާރު ވަނީ ގްރައުންޑްކޮށްފައެވެ.
ކަންމިހެންއޮތްއިރު، ޖެޓް އެއާވޭޒް ސަލާމަތްކޮށްދިނުމަށް ދައުލަތުގެ ފައިސާއިން ހިންގާ ބޭންކުތަކަށް އިންޑިއާގެ ސަރުކާރުން ގޮވާލާފައިވާކަމަށް ޚަބަރު ލިބެއެވެ.
