މާލޭ ސިޓީ ކައުންސިލްގެ ޑެޕިއުޓީ މޭޔަރު ޝަމާއު ޝަރީފާ ހަވާލާދީ، މާލޭގެ ދެ މަގު ފިޔަވާ ހުރިހާ މަގެއްގައި ތާރު އަޅަން ސިޓީ ކައުންސިލުން ނިންމާފައިވާކަމަށް، ބައެއް މީޑިއާތަކުން މިއަދު ފަތުރާފައިވާ ހަބަރު އޭނާ ދޮގު ކޮށްފިއެވެ.
މިއަދު ކުރެއްވި ޓްވީޓެއްގައި ޝަމާއު ވިދާޅުވީ، މަގު ތަކުގައި ތާރު އަޅާ ވާހަކަ ނޫސްތަކުގައި ލިޔެފައި އެވަނީ ވަރަށް ބޮޑު އޮޅޭ ގޮތަށް ކަމަށެވެ. އަދި އޭނާ ވިދާޅުވީ މާލޭގެ 2 މަގެއް ފިޔަވާ އެހެން ހުރިހާ މަގެއް، ފަހުން ކޮންނަން ނުޖެހޭ ގޮތަށް ޒަމާނީ ފެންވަރަށް ތަރައްގީ ކުރަން ޖެހޭކަމަށާއި އެކަމަށް ފަންނީ ބޭފުޅުންގެ ލަފާ ހޯއްދަވާނެ ކަމަށެވެ.
އެކަމަކު މަގުތައް ހަދާނީ ތާރުން ކަމެއް ނުވަތަ ގަލުން ކަމެއް ކަނޑަ އަޅުއްވާފައި ނުވާކަމަށް ޝަމާއު ވިދާޅުވިއެވެ.
ތާރު އަޅައިގެން ޒަމާނީ ފެންވަރަކަށް ތަރައްގީ ކޮށްފައިވާ 2 މަގެއް މިހާރު ވެސް މާލޭގައި އެބަ އޮތެވެ. އެއީ ބޮޑުތަކުރުފާނު މަގާއި، އިއްޒުއްދީން މަގެވެ. މާލޭގެ މަގުތައް ތަރައްގީ ކުރުމަށް ޓަކައި ގިނަ ކަންތައް ތަކެއް މިހާރު ވެސް ސިޓީ ކައުންސލުން ކުރިއަށް އެބަ ގެންދެއެވެ.
މިބައިގަނޑަށް ދުވަހަކު އެކައްޗެއް ނުބުނެވޭ!! އަބަދުވެސް އަލުން ރީފުރެސް ކުރަންވެފައި އޮންނަނީ.