އިންޑިއާ އާ ރާއްޖެއާ ދެމެދު 3 އެއްބަސްވުމެއް މިއަދު ބަދަލުކޮށްފިއެވެ.
މި އެއްބަސްވުންތައް ބަދަލު ކޮށްފައިވަނީ އިންޑިއާގެ އެކްސްޓާނަލް އެފެއާޒް މިނިސްޓަރު ރާއްޖެ ވަޑައިގެންނެވުމާ ގުޅިގެން މިއަދު، ފޮރިން މިނިސްޓްރީގައި ބޭއްވި މިނިސްޓަރުންގެ ބައްދަލު ވުމުގައެވެ.
މިއަދު ދެ ގައުމުގެ ދެމެދުގައި ބަދަލު ކުރެވުނު އެއްބަސްވުން ތަކުގެ ދާއިރާ ތަކަކީ، ސަރުކާރުން ޑިޕްލޮމެޓިކް އަދި އޮފިޝަލް ޕާސްޕޯޓު ދޫކޮށްފައިވާ ފަރާތްތަކަށް ވިސާ ދޫކުރުމާ، ގުޅުން ބަދަހިކުރުމާ، އަދި އިޔާދަކުރަނިވި ހަކަތައެވެ.
މިއަދުގެ ބައްދަލުވުމުގައި 2 ގައުމުން އެހީތެރިކަން ފޯރުކޮށްދެވިދާނެ މައްސަލަ ތަކާ ބެހޭގޮތުން މަޝްވަރާ ކުރެވިފައި ވެއެވެ. އެ ގޮތުން ލަފާ ހޯދުމާ، ކެޕޭސިޓީ ޑިވެލޮޕްމަންޓާ، ސިއްހީ ދާއިރާއާ، ވިޔަފާރިއަށް އިންވެސްޓް ކުރުމުގެ އިތުރުން އިގްތިސަދީ ގުޅުމާ ބެހޭ ގޮތުން ވާހަކަ ދައްކާފައިވެއެވެ.
އިންޑިއާގެ ފޮރިން މިނިސްޓްރީގެ ތަރުޖަމާނު ރަވީޝް ކުމާރު މިއަދު ވިދާޅުވީ، މިއީ މި ސަރުކާރުން ވެރިކަމާ ހަވާލުވެވަޑައިގެންނެވި ފަހުން ސުވަރާޖް ރާއްޖެއަށް ކުރައްވާ ފުރަތަމަ ދަތުރުފުޅު ކަމަށެވެ. އަދި މިހާރު ރާއްޖެ ވަޑައިގަތުމުން އަމިއްލަވަންތަކަން އިހްސާސް ކުރެއްވޭ ކަމަށްވެސް އޭނާ ވިދާޅުވިއެވެ.
ރައީސް އިބްރާހީމް މުހައްމަދު ސޯލިހު ވެރިކަމާ ހަވާލުވެ ވަޑައިގެން ފަހުން ރާއްޖޭގެ ވަޒީރުން އެކި ފަހަރުމަތިން އިންޑިއާ އަށް ވަޑައިގެން އެކި ދާއިރާތަކުން ރާއްޖެއަށް އެހީ ހޯއްދެވުމަށް ވަނީ މަޝްވަރާ ކުރައްވާފައެވެ.
އިބޫ ސޯލިހުގެ ވެރިކަމާއި އެކު ހަމަ ރަނގަޅަ އިންޑިއާ އަތްދަށުވެއްޖެ. ދެރައީ މިކަން ރީނދޫންތައް ގަބޫލުނުކުރާތީ. ހެކި ދެއްކިޔަސް ގަބޫލެއް ނުކުރޭ. މިހާރުވެސް އެބުނީ އަމިއްލަވަންތަކަން އިހުސާސްކުރެވެޔޯ. މިއީ އިންޑިއާގެ ސްޓޭޓްއެއް ދޯ މިހާރު.