ސަލާން ޖަހަން ޖެހުނަސް ހުންނާނީ ރައްޔިތުންގެ ފަޅީގައި ކަމަށް ޔޫތް މިނިސްޓަރު އަހުމަދު މަހުލޫފަށް ވިދާޅުވެއްޖެއެވެ.
މަހްލޫފު ކުރި ޓްވީޓެއްގައި ވިދާޅުވީ ގޭގަ ހުންނަށް ޖެހުނަސް، ވަޒީރު ކަމުން ވަކި ކުރިޔަސް އަދި މަގުމަތީގައި ސަލާން ޖަހަށް ޖެހުނަސް ހުންނާނީ މި ގޮތުގައި ކަމަށާއި މިހުރީ ރައްޔިތުންގެ ފަޅީގައި ކަމަށެވެ.
މަހްލޫފް މިހެން ވިދާޅުވީ ރައްޔިތުންގެ މަޖިލީހުގެ ވިލިމާލޭ ދާއިރާގެ މެންބަރު އަހުމަދު ނިހާން ހުސައިން މަނިކު ކުރި ޓްވީޓަކަށް ރައްދުދެއްވަމުންނެވެ.
ނިހާންގެ ވިދާޅުވެފައި ވަނީ ރާއްޖެ ދުށް ހިތްވަރުގަދަ ކެރޭ ސިޔާސީ ބަތަލުން އައީ ޕީޕީއެމާއި ޑީއާރްޕީން ކަމަށާއި މަހުލޫފަކީ އޭގެ ތެރޭގައި ހިމެނި ވަޑައިގަންނަވާ ބޭފުޅެއް ކަމަށެވެ. އަދި ދޮގުވެރި މަކަރުވެރި އެމްޑީޕީ ދޫކޮށް ރައްޔިތުން ފަޅިއަށް ބަދަލުވެވަޑައިގަތުމަށް އެދި ނިހާން ގޮވާލައްވާފައި ވެއެވެ.
ސިޔާސީ މައިދާނަށް ފުރަތަމަ މަހްލޫފް ނުކުމެ ވަޑައިގެންފައި ވަނީ ޑީއާރްޕީއިންނެވެ. ފަހުން ރައީސް މައުމޫން އަބްދުލްގައްޔޫމާއި ރައީސް އަބްދުﷲ ޔާމީން އުފެއްދެވި ޕީޕީއެމްއާ ގުޅިވަޑައިތެވެ. މަހްލޫފް ޕީޕީއެމް ދޫކުރައްވީ ކުރީގެ ރައީސް އަބްދުﷲ ޔާމީނަށް ތުހުމަތު ކުރާ ހިޔާނާތުގެ އަމަލުތަކާ ގުޅިގެން އެކަމާ ދެކޮޅު ހެއްދެވުމަށްފަހުއެވެ. ޕީޕީއެމްއިން ވަކިވެ އޭރުގެ އިދިކޮޅު ޕާޓީތަކުން އެއްވެސް ޕާޓީއަކާ ގުޅިވަޑައިނުގަނެ އިސްލާހީ މަސައްކަތުގައި އުޅުއްވުމަށްފަހު މިހާރު އޭނާ ހުންނެވީ ވެރިކަން ކުރާ އެމްޑިޕީގައެވެ.
