މަސްތުވާތަކެތީގެ ވިޔަފާރި ކުރާކަމަށް ފުލުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން މިއަދު މަސްތުވާ ތަކެއްޗާ އެކު މާލޭން 21 މީހުން ހައްޔަރު ކޮށްފިއެވެ.
މިއަދު 10:52 ހާއިރު ކޯޓު އަމުރެއްގެ ދަށުން މާފަންނު ގެއެއްވަނީ ބަލާފާސްކޮށްފައެވެ. އެގެއިން މަސްތުވާތަކެތި ކަމަށް ބެލެވޭ 38 ރަބަރު ޕެކެޓާ އެކު 21 މީހުން ވަނީ ފުލުހުންގެ ބެލުމުގެ ދަށަށް ގެންގޮސްފައެވެ.
އޭގެތެރޭގައި 19 ދިވެހިންނާއި، 18 އަހަރުން ދަށުގެ ކުޑަކުއްޖަކާއި ބިދޭސީއެއް ހިމެނެއެވެ.
މަސްތުވާތަކެއްޗާއި ދެކޮޅަށް ފުލުހުން ކުރަމުންދާ މަސައްކަތްތަކުގެ ތެރެއިން ފުލުހުންގެ ޑްރަގް އެންފޯސްމަންޓް ޑިޕާރޓްމަންްޓުން ދަނީ އޮޕަރޭޝަންތަކެއް ހިންގަމުންނެވެ. އެގޮތުން މިދިޔަ ހަފްތާގައި ފުލުހުން ހިންގި ތިން އޮޕަރޭޝަނެއްގައި 11 މީހުން ހައްޔަރުކޮށްފައި ވެއެވެ. އޭގެ ތެރޭގައި އަންހެނަކާއި، 18 އަހަރު ނުފުރޭ ކުޑަކުއްޖު އަދި ނުވަ ފިރިހެނުން ހިމެނެއެވެ.
