އިންޑިއާގެ ބޮޑުވަޒީރު ނަރޭންދްރަ މޯދީގެ ސަރުކާރުގެ ރަފޭލް ޖެޓް-ޑީލް އެއްބަސްވުމާއި ގުޅިގެން އެގައުމުގެ ކޮމްޕްޓްރޯލާ އެންޑް އޮޑިޓާ ޖެނެރަލް (ސީ.އޭ.ޖީ) އޮފީހުން އާންމުކުރި ރިޕޯޓަކީ "ޖޯކެއް" ކަމަށާއި، އެ ރިޕޯޓަކީ ގައުމުގެ ރައްޔިތުން "ފެއިލްކުރި" ރިޕޯޓެއް ކަމަށް އިދިކޮޅު ކޮންގްރެސްގެ އިސް ލީޑަރު ޕީ ޗިދަމްބަރަމް ވިދާޅުވެއްޖެއެވެ.
ސީ.އޭ.ޖީގެ ރިޕޯޓަކީ "ބޭކާރު" ރިޕޯޓެއް ކަމުގައިވެސް ޗިދަމްބަރަމް ވަނީ ސިފަކުރައްވާފައެވެ.
ނޫސްވެރިންނާއި މިހާތަބުކުރައްވާ ވާހަކަފުޅު ދައްކަވަމުން ޗިދަމްބަރަމް ވިދާޅުވީ އެ ރިޕޯޓްގައި މުހިންމު އެއްވެސް މައުލޫމާތެއް ނެތް ކަމަށާއި، އެ ރިޕޯޓުގެ ހަމައެކަނި މަގުސަދަކީ ހަގީގަތް ފޮރުވުން ކަމަށެވެ.
ޗިދަމްބަރަމް ވިދާޅުވީ މިމައްސަލައިގެ މިނިވަން ތަހުގީގެއް ހިންގެން އޮތީ ގާނޫނު ހަދާ މަޖިލީހުގެ ގުޅިފައިވާ ކޮމިޓީއަކުން ކަމަށާއި، ކަމާއި ގުޅުންހުރި ހުރިހާ ލިޔެކިއުންތަކެއް ފޯރުކޮށްދިނުމަށް ގޮވާލެވޭނެ ހަމައެކަނި ބަޔަކީވެސް އެއީ ކަމަށެވެ.
އިންޑިއާގެ މާލީ ވަޒީރުކަންވެސް ކުރިން ކުރައްވާފައިވާ ޗިދަމްބަރަމް ވިދާޅުވީ، އެއްބަސްވުމާއި ބެހޭ ހުރިހާ ތަފްސީލެއް ސަރުކާރުން ސީ.އޭ.ޖީއަށް ފޯރުކޮށްދީފައިވާކަމަށާއި، ނަމަވެސް އެ ހުރިހާ މައުލޫމާތެއް ހާމަކޮށްފައިނުވާކަމަށެވެ. މިމޭރުމުން އަމަލުކޮށްގެން އެ އިދާރާއަކީ ބޮޑު ޖޯކެއް ކަމުގައި އަމިއްލައަށް ތަސްވީރުކޮށްދީފައިވާކަމަށާއި، ސީ.އޭ.ޖީގެ އިތުބާރު ނެގަހައްޓާ އިތުބާރު ދެމެހެއްޓެން އޮތީ ގަދަރުވެރި ސަރުކާރެއް އޮވެގެން ކަމަށެވެ.
ރަފޭލް ޑީލް މައްސަލައަކީ، އިންޑިއާގެ ސަރުކާރުން މަތީ ފެންވަރުގެ އަސްކަރީ މަތިންބޯޓު 7.8 ބިލިއަން ޕައުންޑަށް، ފަރަންސޭސިވިލާތުގެ ޑަސޯލްތް އޭވިއޭޝަނުން ގަތް ގަޑުބަޑުގަނޑެވެ. ހަގީގަތުގައި މި ފައިސާއަކީ އިންޑިއާގެ ވައިގެ އަސްކަރިއްޔާއަށް 126 މަލްޓިރޯލް ފައިޓާ އެއާކްރާފްޓް ގަތުމަށް ހަމަޖެހުނު ފައިސާ ކަމަށް ބުނެވެއެވެ.
