ކޮމިޝަނާ އޮފް ޕޮލިސްގެ މަގާމަށް ކުރިމަތިލުމަށް ޑިފެންސް މިނިސްޓްރީން ހުޅުވާލައިފިއެވެ.
މި މަގާމު ހުސްވެފައިވަނީ ކުރިން އެ މަގާމުގައި ހުންނެވި އިސްމާއިލް ނަވީން، މަގާމުން ރިޓަޔާ ކުރެއްވުމާއި ގުޅިގެންނެވެ. އެއާއެކު އޭނާ ހުންނެވި މަގާމުގެ މަސްއޫލިއްޔަތު ވަގުތީގޮތުން ޑެޕިއުޓީ ކޮމިޝަނަރު އޮފް ޕޮލިސް ފަރުހާދާ ވަނީ ހަވާލުކުރައްވާފައެވެ.
ޑިފެންސް މިނިސްޓްރީން ބުނީ ސިސްޓެންޓް ކޮމިޝަނަރު އޮފް ޕޮލިސް ރޭންކުން ފެށިގެން މަތީގެ އޮފިސަރުން މި މަގާމަށް ކުރިމަތިލުމަށް ހުޅުވާލާފައިވާކަމަށާއި، މި ފުރުސަތު ހަމަވާނީ މި މަހުގެ 23 ވަނަ ދުވަހުގެ ނިޔަލަށް ކަމަށެވެ.
ނަވީން ހިދުމަތުން ރިޓަޔާ ކުރައްވާފައިވާއިރު، އޭނާއާ އެކު ފުލުހުންގެ އިސް 7 އޮފިސަރަކު ސަސްޕެންޑް ކުރަން ރައްޔިތުންގެ މާލިއްޔަތު ކޮމިޓީން ވަނީ ނިންމާފައެވެ.
ސީޕީ ނަވީނާއި އެހެން އޮފިސަރުންތަކެއް ސަސްޕެންޑު ކުރަން ނިންމާފައި ވަނީ އެ ކޮމިޓީން ބަލަމުންދާ ފުލުހުންގެ ކުންފުނި ޕޮލްކޯ އިން ހިންގާފައިވާ ކޮރަޕްޝަންއާ ގުޅުން ހުރި މައްސަލަތަކާ ގުޅިގެން ކަމަށް މައުލޫމާތު ލިބެއެވެ.
ޕޮލްކޯއާ ގުޅިގެން ބަލަމުން އަންނަ މައްސަލަތަކުގެ އެސިސްޓެންޓް ކޮމިޝަނަރު އޮފް ޕޮލިސް އަދި ހުޅުމާލެ ފޮލިސް ސްޓޭޝަންގެ އެންމެ އިސްވެރިޔާ މުހައްމަދު ދާއޫދާއި އޭނާގެ އާއިލާގެ ބައެއް މެންބަރުންގެ އެކައުންޓުތަކަށް ނުހައްގުން ހޯދާފައިވާ ފައިސާ ޖަމާކޮށްފައިވާ މައްސަލައެއް ވެސް ދާދި ފަހުން ވަނީ ފާހަގަވެފައެވެ.
