ވެލާނާ އިންޓަނޭޝަނަލް އެއާޕޯޓްގައި ބިދޭސީންތަކެއްގެ މެދުގަައި ހިންގި މާރާމާރީގައި 3 މީހަކަށް އަނިޔާވެފައިވާ ކަމަށް ފުލުހުން ބުނެފިއެވެ.
މި މާރާމާރީ ހިންގާފައި ވަނީ ވީއައިއޭ އައު ޓާމިނަލް ހަދަމުން ދިޔަ ބިދޭސީންތަކެއްގެ މެދުގައެވެ.
ފުލުހުން ބުނީ، މި މާރާމާރީގެ މައުލޫމާތު ލިބުނީ މިއަދު ހަވީރު 4:49 ހާއިރު ކަމަށާއި މާރާމާރީ ހިނގީ އެ މީހުންގެ މެދުގައި ޖެހުނު މައްސަލައަކާ ގުޅިގެން ކަމަށެވެ.
މި މާރާމަރީގައި 3 ބިދޭސީއަކަށް އަނިޔާވެފައިވާއިރު، އޭގެތެރޭގައި ހިމެނެނީ މިސްރުގެ 2 މީހުންނާއި ބަންގްލަދޭޝްގެ މީހެކެވެ. އަނިޔާވި އެއްވެސް މީހަކަށް ސީރިއަސް އަނިޔާއެއް ލިބިފައި ނުވާ ކަމަށް ފުލުހުން ބުނެއެވެ. އަނިޔާވި މީހުންނަށް ހުޅުމާލެ ހޮސްޕިޓަލާއި ޓްރީ ޓޮޕް ހޮސްޕީޓަލުގައި ވަނީ ފަރުވާ ދީފައެވެ.
މި މައްސަލަ އަންނަނީ އިތުރަށް ތަހްގީގު ކުރަމުން ކަމަށް ފުލުހުން ބުނެއެވެ.
